Iziyaluyalu, ukhuvethe kusongela iziqagelo zezomnotho kusho iMoody’s

Isikhungo esibhekelela umnotho wamazwe iMoodys ithi ukwanda kweziyaluyalu zomphakathi eNingizimu Afrika kuhambisana nokwenyuka kwamazinga okutheleleka ngokhuvethe enyangeni kaNhlaba noNhlangulana futhi kubeka engcupheni isibalo sokuqagela kwayo samaphesenti amane sokukhula komnotho eNingizimu Afrika kulo nyaka.

IMoody’s ithi yize izinkomba zokuzethemba zikhombisa ukuthuthuka engxenyeni yokuqala yonyaka, isimo esiguqukayo kungenzeka sibe nemiphumela yokungathembeki kwabathengi, amabhizinisi kanye nabatshalizimali.

I-Moody’s ithi lezi ziyaluyalu ziphinde zenze nzima imizamo yeziphathimandla ukubuyisa impilo yezimali zomphakathi.

IMoodys ithi ukukhula komnotho okuntekenteke kuzobeka imali engenayo emalini yentela, kanti uhulumeni uzodinga ukuxhasa amabhizinisi athintekayo nokwakha kabusha ingqalasizinda elimele. Ithi ukukhula kwezingxabano emphakathini kuzokwenza ukuthi kube nzima kakhulu ukuthi iziphathimandla zingasebenzisi imali.

IMoody’s ithi lolu dlame luphinde luqhakambise izingqinamba zomphakathi uhulumeni abhekene nazo ekuqhubekeni nohlelo lwakhe lokulungiswa kwezakhiwo. Le mibhikisho iqale ngemuva kokuthi owayengumengameli wezwe, uMnu uJacob Zuma, eboshelwe ukwephula umyalelo weNkantolo yoMthethosisekelo.

IMoody’s yehlisela phansi omasipala abahlanu baseNingizimu Afrika

Inhlangano yezilinganiso iMoody’s yehlise isithunzi (downgraded) komasipala baseNingizimu Afrika abahlanu bexwayisa ngokunyuka kwengcindezi yokwehla kwemali ngenxa yokushoda kokuqoqwa kwemali engenayo.

IMoody’s ithi omasipala baseGoli, eKapa, eNelson Mandela Bay, Ekurhuleni kanye naseMhlathuze kungenzeka baphoqeleke ukusebenzisa imali yabo ebekiwe

(reserves), bacekele phansi amandla abo okubekezela uma kuba nesimo esingesihle sezomnotho.

Umhlaziyi wezilinganiso uthi ukwehliswa kwemali kungenzeka kukhuphule izindleko zokuboleka okuholele emazingeni aphezulu kamasipala.

Umqondisi kwaCredit Ratings Analytics, uSaveshen Pillay uthi: “Isizathu salokhu kwehliselwa phansi singumphumela wendawo yokusebenza ezinyangeni eziyi-12 ezedlule kanye nobhubhane lokhuvethe. Izinxushunxushu zakamuva ezweni nazo zingaba nemiphumela engqubuzanayo ekuthengeni abathengi, amabhizinisi nabatshalizimali.”