Isizwe siphawula ngecala laseNdlukulu
Mhleli
Mina ngisola uHulumeni we-ANC kanye nalabo abangamuthandi uMntwana waKwaPhindangene ngokuqhuba ipolitiki noma isidingo singekho, sekucacile ukuthi noma siwuhlonipha umthetho olawula izwe kodwa uNdunankulu waKwaZuluNatal kanye nezinye izikhulu zikaHulumeni beseka uNdunankulu kaZulu besingayifaka ingcindezi kuHulumeni ukuthi kuphothulwe konke lokhu esikubona ngamehlo uma silazi ihlazo nokubaluleka kweSihlalo sikaZulu emlandweni kanye nasemphakathini. - nguNjabulo Magec
Mhleli
Ngiyayivumela impela iNkantolo. Akekho obangisa oseSihlalweni manje kunamashoshozela nje asemaceleni. Lo amshoshozelelayo akaze athi vu. - nguMjeywodumo Nxumalo WasEmbusweni
Mhleli
Kakade isizathu sala macala afakwe eNkantolo ukuthi kwenziwe izifiso zikaMdlokombane zibe yize leze. Kuliwa nokuthi iSilo uMisuzulu sisuke eSihlalweni, noma angithi kuliwa impi yokuthi kuthiwe iSilo sabekwa ngokungekho emthethweni. Impi ekhona ngeyokufaka u “Xi” ezifisweni zeSILO uMdlokombane, ngokuthi kuthiwe amazwi kaMdlokombane abe engekho emthethweni. Lokho okungabe kuchaza ukuthi iSilo uMisuzulu kasimfanele iSihlalo, beseke laba abayisa iNdlunkulu eNkantolo kube yibo abakhetha “inkosi” Ngiyabazwela abebenza sengathi bayamthanda uMdlokombane esaphila, kodwa esebefela izifiso zakhe ngamathe
manje njengoba esakhothama. - nguLuh Dlamuka Mhleli
Kungabe lokhu kusho ukuthi kukhona ukugxambukela kwepolitiki yenza sengathi kunombango? - nguJohan Mboma
Mhleli
Cishe uMchunu noZikalala okwenze baphenya baze babona ukuthi kwakungcono bakhe uNomusa MaDube Ncube okumanje ungothwelwe ngeqoma. Lokhu kwaseNdlunkulu abasoze bakuphenya kodwa bayobulala ngakho inhlangano yabo.
- nguKhulekani Masuku
Mhleli
Mina ngithanda indlela iphephandaba elichaza ngayo nokubona into isasekude. Lisichazela kahle ngokungafihli lutho. Nale yoBukhosi bakithi kwaZulu layichaza kahle, lathi “Asivikele iSihlalo...”Ngiyathokoza - nguN.P. Sishange