EyaseSomalia isikwelinye izinga sekunqunywa abantu amakhanda
Amasosha aseSomalia adlelana nohulumeni abulale amasosha angama-45 e-al Shabaab amanye anqunywa amakhanda njengoba izakhamuzi zasezifundeni ezimaphakathi nezwe ziya ngokuya zihlasela amavukelambuso.
Lesi sigameko silandela impi esifundeni sase-Hiran, eHirshabelle, lapho kube nezimpi ezinkulu kule nyanga phakathi kwe-al Shabaab nezidlamlilo ezisanda kwandiswa ezihlangene nohulumeni wobumbano.
I-Al Shabaab, iqembu elixhumene ne-al Qaeda, ibilokhu ilwa nohulumeni waseSomalia kusukela ngowezi-2006. Ifuna ukusebenzisa incazelo eqinile yomthetho we-sharia kulelizwe. I-Al Shabaab iye yanda ngokushisa izindlu, yacekela phansi imithombo, yanquma nezakhamuzi esifundeni saseHiran, kusho izakhamuzi; ukuthi, kuhlangene nezimfuno zayo zentela phakathi nesomiso esibi kunazo zonke eminyakeni engama-40, kuye kwacindezela izakhamuzi ukuba zithathe izikhali.
“I-Al Shabaab ayiqinile, ishisa abantu, ibanqume amakhanda iwabeke emigwaqeni ukuze ithuse,” kusho u-Ahmed Abdulle, ongowaseHiran.
Amavidiyo asakazwe kuTelegram akhombise abesilisa ababili abasolwa ngokuba amasosha e-al Shabaab kanye nezidumbu eziningi kanye nezikhafu ezibomvu nokumhlophe. Ofakazi abathathu bacele ukungadalulwa ngenxa yezizathu zokuphepha. “I-Al Shabaab isifake esihogweni. Ngakho, abantu bakithi banquma ukuzikhulula. Indodakazi yami nayo ilwa phambili, ine-AK-47 ehlombe,” kusho isakhamuzi uHalima Ismail.
UNgqongqoshe
Wezangaphakathi eSomalia u-Ahmed Moalim Fiqi akazange aphendule ngokushesha izicelo zokuthi aphawule. Umkhulumeli we-al Shabaab akatholakalanga ukuthi aphawule.
Amasosha aphinde athatha izigodi eziyi-10 e-al Shabaab emasontweni asanda kwedlula, kusho umdala u-Hassaan Farah etshela abeReuters.Izakhamizi ezisesifundeni esiseduze saseGalmudug nazo zithatha izikhali.
“Kuleli sonto, sesiphinde sathumba amadolobhana ayisishiyagalolunye,” kusho u-Ahmed Shire, ungqongqoshe wezolwazi eGalmudug. Kunguguquko olukhulu olwenziwe yisifunda saseGalmudug. ”
UHulumeni wobumbano uthumele amasosha ukuthi ayoqinisa amasosha aseGalmudug, kusho iSomalia National News Agency.