KWEZINYE IZINGXENYE

ERUSSIA: UMengameli uVladimir Putin ngoLwesithathu umemezele ezinye izinhlelo zokuhlangana kombutho wezempi wakuleli lizwe obekuhambisana nesixwayiso esishubile senuzi emazweni angahambisana nezwe lakhe. Ukusho lokhu ekhuluma bukhona kuthelevishini nalapho ephakamise ukuthi uzowandisa umbutho wezempi kwazise impi ayiphelile e-Ukraine. Wenza lesi simemezelo nje ngakolunye uhlangothi inkulu ingcindezi yokuba iKremlin isukume yenze okuthile ngalempi.

E-EQUATORIAL GUINEA:

Emuva kweminyaka kudingidwa umthetho omayelana nesigwebo sentambo, maphakathi nesonto uMengameli uTeodoro Obiang Nguema Mbasogo usayine ukuqedwa kwalo mthetho. Lokhu kuchaza ukuthi akekho umuntu osezonqunywa kuleli lizwe uma elahlwa yicala enkantolo. Indodana kaMengameli ephinde ibe yiPhini lakhe kuHulumeni isishayele ihlombve isinqumo sikayise. yasibiza njengengqophamlando. Umuntu wokugcina owagwetshwa intambo kwaba ngunyaka wezi-2014. Amanyer amazwe ezwenikazi avale isigwebo sentambo kube iCentral African Republic ngoNhlaba, iChad ngowezi-2020 neSierra Leone ngonyaka odlule.

EMOZAMBIQUE: Njengoba amasosha aseRwanda esaqhubeka nokusiza leli lizwe, kubonakala usizo lwawo seluguquka njengangamanje selubheke kumcebo namagugu ezweni. Abatshalizimali abasondelene kakhulu neKigali okuyiNhlokodolobha yeRwanda afuna ukuqala ukumba igraphite okuyiminerali esetshenziswa kakhulu ekukhiqizeni ugesi wamabattery eningi kakhulu kwelikaPhilipe Nyusi. Amasosha aseRwanda akanise emngceleni waleli lizwe osenyakatho lapho elwa khona nokuhlasela kwamavukelambuso e-Al Shabab.