Uyafudumala umbango wokuba nguNobhalaJikelele we-ANC
isicelo esiphuthumayo sokuthi inkantolo isebenzise isinqumo sayo esikhishwe ngoLwesihlanu olwedlule esihoxisa ukumiswa kukaMkhwebane. Obemele uMkhwebane, u-Advocate Dali Mpofu uthe ibamba loMvikeli woMphakathi liyashayisana ngokuthi lizoyeka ukusebenza kulesi sikhundla uma uMkhwebane ebuya.
UGcaleka wafaka isicelo sokungenelela ecaleni ukuze alethe amaqiniso ayiqiniso ngehhovisi loMvikeli woMphakathi, ngemuva kokungacaci kahle kukaMkhwebane.
Omele uGcaleka, uTimothy Bruinders, uthe iBamba loMvikeli woMphakathi linentshisekelo eqondile nelikhulu kulolu daba futhi kumele livunyelwe ukuthi lingenelele.
Isizukulwane esisha sabaholi be-ANC sibheke ukuthatha amahhovisi kaNobhala-Jikelele eLuthuli House. OwayenguNobhala wesifundazwe KwaZulu-Natal uMnu uMdumiseni Ntuli (osesithombeni), ilungu le-NEC uMnu uFikile Mbalula noGwen Ramokgopa kuyavela ukuthi bafuna lesi sikhundla. IHhovisi likaNobhala Jikelele alinamuntu njengamanje njengoba kumiswe uMnu u-Ace Magashule kanye nokudlula emhlabeni kwePhini likaNobhala-Jikelele uNkk uJessie Duarte. UNtuli uthi, “Ngizinikele kunoma yisiphi isikhundla inhlangano engibizele kuso”.
UMbalula uthemba ukuthi kulokhu uzoba nenhlanhla asithole lesikhundla ngemuva kokuhlulwa kanzima nguGwede Mantashe ngowezi-2012, kanti uNtuli unomsebenzi onzima wokuthola ukwesekwa yisifundazwe aphuma kuso KwaZulu-Natal.
UNtuli ophumele obala uthi akakaze anqabe uma ebizwa ngamagatsha eqembu. “Sengike ngaba nokuxoxisana kaningi namaqabane akhulume nami ngalolu daba ukuthi ngingakwazi yini ukuhola le nhlangano ikakhulukazi isikhundla sikaNobhala-Jikelele, ngeke nginqabe futhi ngeke ngikhethe ukuthi yisiphi isikhundla, Ngizosamukela isikhundla amalungu e-ANC abona kufanele ukuthi ngisebenze kusona,” kusho uNtuli.
UMgcinimafa wesifundazwe saseMpumalanga, uMandla Msibi, uthe izizukulwane ezincane eqenjini akumele zigxume ulayini.
UMsibi uphonsele inselelo isizukulwane sikaMbalula ukuthi kube nguyena ozohola i-ANC kuzwelonke. “Isizukulwane esilandelayo okufanele sihole i-ANC kuzwelonke ngesikaFikile Mbalula. Ngeke sitshelwe abantu abasanda kungena kule nhlangano ukuthi iyini i-general mix, lokhu akuhambisani neminyaka,” kusho uMsibi.
UNtuli uthi nokho akulungile ukuphetha ngamagama obuholi ngaphambi kokwazi umsebenzi okuzomele abaholi abasha bawenze. “Ngicabanga ukuthi kuzoba wumqondo ophusile ukuphetha ngendaba yobuholi ngaphandle kokuqonda uhlobo lohlelo okumele ubuholi bulwenze uma sebukhethiwe,” kusho uNtuli. Abaholi abaphezulu be-ANC kubukeka sengathi bashiye isikhundla sikaNobhalaJikelele ezizukulwane ezincane. Isikhundla esisebenza ngempumelelo njengoMphathi Omkhulu weqembu elibusayo.