S­kie­ter maak stel­ling op FB ‘Men­se hoop en bid net’

Beeld - - Nuus -

Dit is vol­gens die A­me­ri­kaan­se o­wer­he­de nog te vroeg om te be­spie­gel oor die mo­tief vir die skie­te­ry in ’n kroeg in T­hou­sand Oaks, ’n stad na­by Los An­ge­les, Ka­li­for­nië, waar die oud­sol­daat Ian Da­vid Long 12 men­se dood­ge­skiet het.

Uit ’n Fa­ce­book-bood­skap wat Long (28) waar­skyn­lik kort voor die skie­te­ry ge­plaas het, blyk dit dat hy moont­lik die een of an­der stel­ling wou maak oor die re­ak­sie wat sul­ke voor­val­le ge­woon­lik ont­lok.

CNN be­rig vol­gens ’n bron na aan die on­der­soek het Long in die tyd van die aan­val die vol­gen­de bood­skap op Fa­ce­book ge­plaas: “Ek hoop men­se sê ek is mal (lag­prent­jies) . . . sal dit nie ’n groot stuk i­ro­nie wees nie? Ja . . . ek is mal, maar al wat jul­le men­se ná dié skiet­aan­val­le doen, is ‘hoop en bid’ . . . of ‘ek dink aan jul­le’ . . . el­ke keer . . . won­der waar­om bly dit ge­beur . . . ”

Toe CNN die in­skry­wing aan ’n vriend van Long ge­lees het wat nie ge­ï­den­ti­fi­seer wil word nie, het die vriend ge­sê: “Dit klink vir my glad nie soos Ian nie. Ek weet nie wat deur sy kop moes ge­gaan het toe hy dit ge­skryf het nie. Dit moes ver­skrik­lik ge­wees het.”

Vol­gens sher­iff Ge­off De­an het Long “dui­de­lik die een of an­der pro­bleem ge­had”.

Long was van 2008 tot 2013 ’n see­sol­daat, het tot die rang van kor­po­raal ge­vor­der en het ook in Af­ga­ni­stan diens ge­doen. Vol­gens USA To­day is hy ver­eer vir sy diens­tyd in dié land.

Vol­gens De­an het hy moont­lik aan pos­t­trau­ma­tie­se stres­ver­steu­ring ge­ly.

De­an sê be­amp­tes het in A­pril op ’n op­roep ge­re­a­geer en na Long se huis in die na­by­ge­leë Ne­w­bu­ry Park, so­wat 4 km van die kroeg, ge­gaan. Spe­si­a­lis­te in gees­tes­ge­sond­heid het toe met Long ge­praat en tot die slot­som ge­kom dat geen ver­de­re op­tre­de no­dig was nie.

Ri­chard Ber­ge, wat na­by Long se huis bly, sê hy het wild ge­raak in die huis.

“Hy het by­voor­beeld ga­te in die mu­re ge­skop en een van die bu­re was be­kom­merd en het die po­li­sie ge­bel. Hul­le kon hom aan­vank­lik nie kry om uit die huis te kom nie.”

Paul De­la­court, as­sis­tent­di­rek­teur van die FBI in Los An­ge­les, het op ’n me­di­a­kon­fe­ren­sie ge­sê dit lyk of Long al­leen ge­werk het, be­rig Reu­ters.

“Ons sal vir se­ker ’n prent­jie van die man se ge­moeds­toe­stand kry en ons bes doen om uit te vind waar­om hy dit ge­doen het,” sê De­la­court.

Hy sê die FBI sal e­ni­ge moont­li­ke “ra­di­ka­li­se­ring” of ska­kels na mi­li­tan­te groe­pe on­der­soek.

Long het met ’n .45 Glock-pis­tool in die kroeg in­ge­stap en op die tus­sen 150 en 200 dan­sen­de men­se los­ge­brand. Hy het hom­self ná die skie­te­ry in ’n kan­toor van die Bor­der­li­ne-kroeg dood­ge­skiet.

Die na­me van som­mi­ge van die slag­of­fers is be­kend ge­maak. Be­ne­wens sers. Ron He­lus, ’n ve­te­raan-po­li­sie­lid wat hom na die to­neel ge­haas het, was ver­skeie jong men­se, die mees­te jon­ger as 23 jaar, on­der die slag­of­fers.

“Ons sal ’n prent­jie van die man se ge­moeds­toe­stand kry en ons bes doen om uit te vind waar­om hy dit ge­doen het.”

Fo­to: GETTY IMAGES

Le­de van die FBI se on­der­soek­span bui­te Long se huis in Ne­w­bu­ry Park, Ka­li­for­nië. Long se rooi bak­kie staan in die op­rit ge­par­keer.

Ian Da­vid Long

Newspapers in Afrikaans

Newspapers from South Africa

© PressReader. All rights reserved.