Zol het SA (en mi­nis­ter) op hol

‘Dit laat jonk én oud saam lag’

Die Burger - - 1 - Chris­ti­aan Boon­zai­er Max Hur­rell

’n Jong mu­siek­ver­vaar­di­ger van Kaap­stad wat mu­siek by SuidA­fri­kaan­se po­li­ti­ci se toe­spra­ke voeg en dit dan aan­lyn plaas, laat nie net Jan Al­le­man ska­ter­lag nie – dit vang ook groot­kop­pe se oog.

Max Hur­rell (24) het on­langs die snit “Zol” uit­ge­reik, waar­in hy ’n toe­spraak oor ver­bo­de ta­bak­pro­duk­te deur N­ko­sa­za­na Dla­mi­ni-Zu­ma, mi­nis­ter van sa­me­wer­ken­de re­ge­ring en tra­di­si­o­ne­le sa­ke, met mu­siek ’n bie­tjie oemf gee.

Die snit het soos ’n veld­brand op die in­ter­net ver­sprei: ’n “Nie­amp­te­li­ke mu­siek­vi­deo” daar­van wat Da­vid S­cott van The Kif­f­ness saam met Hur­rell ge­maak het, is bin­ne ’n week al by­na 800 000 keer op Fa­ce­book ge­kyk – o­ën­skyn­lik ook deur Dla­mi­ni-Zu­ma self.

“Wie is hier­die Max Hur­rel­lou?” het sy Woens­dag ge­twiet. “Ons moet praat.”

Hur­rell het aan Net­werk24 ge­sê hy is self ver­baas oor die groot re­ak­sie wat “Zol” ont­lok het. “Jy weet nooit wat­ter vi­deo’s die bes­te gaan wees en wie daar­van gaan hou nie. Die he­le kon­sep van vi­ral gaan is on­voor­spel­baar, want jy weet nooit vir hoe lank men­se iets gaan deel nie.

“Hier­die spe­si­fie­ke liedjie, ‘Zol’, het wel ’n paar ei­en­skap­pe wat ek dink tot die groot aan­hang by­ge­dra het: Die woor­de is snaaks, die her­men­ging is ca­t­chy en ek het rit­me ge­bruik wat baie men­se laat vi­be.

“Dit is in­te­res­sant om te sien hoe die liedjie nie net tot ’n spe­si­fie­ke kul­tuur, ras of gods­diens spreek nie – dit voel as­of al­le Suid-A­fri­ka­ners saam lag en groo­ve. Dit spreek selfs deur die bank tot al­le ou­der­doms­groe­pe,” sê hy

Hur­rell ver­vaar­dig die af­ge­lo­pe drie tot vier jaar dié ti­pe “po­li­tie­ke her­men­gings”.

Be­ne­wens Dla­mi­ni-Zu­ma het hy ook al toe­spra­ke deur Ba­le­ka M­be­te, voor­ma­li­ge spea­ker, en Ja­cob Zu­ma her­meng.

Toe Cy­ril Ra­map­ho­sa in 2016 as ad­junk­pre­si­dent nu­we kon­do­me in die par­le­ment be­kend ge­stel het, het Hur­rell ook ’n ge­wil­de her­men­ging daar­van ge­maak – ook meer on­langs toe Jack­son Mt­hem­bu, mi­nis­ter in die pre­si­den­sie, ’n F­reu­di­aan­se glips be­gaan en die woor­de “vi­bra­tors” en “ven­ti­la­tors” met me­kaar ver­war het.

“Daar is vir my twee fak­to­re wat ek oor­weeg voor ek op ’n her­men­ging be­sluit: Eer­stens moet die (klank van die) toe­spraak dui­de­lik ge­noeg wees so­dat ek dit kan her­meng, en twee­dens moet dit snaaks wees,” sê Hur­rell.

“Ek het ’n klein groe­pie vrien­de vir wie ek die lied­jies stuur om te be­paal of dit snaaks is, want wat vir my snaaks is, is dalk nie vir an­der nie.”

Hoe­wel po­li­ti­ci meest­al in sy vi­sier is, er­ken hy dat hy nie werk­lik ’n be­lang­stel­ling in die po­li­tiek het nie.

Hy hou wel weens die staat van in­per­king meer ge­reeld ’n oog op wat po­li­ti­ci te sê het en meen dat hy deur sy vi­deo’s ook sy luis­te­raars se be­lang­stel­ling in die po­li­tiek kweek.

“Die vi­deo’s het eint­lik my eie be­lang­stel­ling in wat die re­ge­ring sê ge­prik­kel, en ek dink men­se se be­lang­stel­ling in die her­men­gings het pre­sies die­self­de uit­wer­king.

“Dit is eint­lik ’n goeie ding om te weet wat in die land aan­gaan.”

Sy groot wens is dat “Zol” Suid-A­fri­ka se amp­te­li­ke “staat­van-in­per­king-liedjie” word om­dat dit Suid-A­fri­ka­ners op­kik­ker, hul­le laat lag, en “po­si­ti­wi­teit op­wek in ’n tyd wan­neer ons baie het om oor be­kom­merd te wees”.

Fo­to: SIMON LUCKHOFF PHOTOGRAPH­Y

Newspapers in Afrikaans

Newspapers from South Africa

© PressReader. All rights reserved.