Umnyango weMfzo e-King Cetshwayo usukulungele ukuvulwa kwesikole
UMNYANGO wezeMfundo wesifunda sase-King Cetshwayo sithi konke kumi ngomumo njengoba isikhathi sokuviulwa kwezikole sekudondele.
‘Mhlaka 15 kwephezulu sibe nomhlangano nothishanhloko kusukela ezikoleni zamabanga aphansi kuze kuyofika kwezamabanga aphezulu lapho besithula khona uhlelo olusha esinalo njengomnyango esizokhuphula ngalo izinga lezemfundo kulonyaka,’ kusho ongumqondisi walesi siyingi uMnu David Chonco.
‘Sizimisele ukuthi ukubhalisa kusheshe kuphele njengoba kuqale ngonyaka odlule ukuze kuthi esontweni lesibili izikole zivuliwe ukuze kuqale ukufunda,’
UChonco ukhinde wathi njengomyango bazogxila nasemabangeni aphansi ngoba ilapho umsebenzi omningi uqala khona.
Uphinde wathinta nohlelo lwezinsiza zokufunda njengoba zonke izincwadi kuhlangene nezinye izidingo eziqhamuka emnyangweni sezisezikoleni.
Akalushiyanga ngaphandle uhlelo lokudla waphinde wathi selusezandleni zalabo abaluqhubayo nabo asebelindeleke ukuthi baqale umsebenzi uma zivulwa izikole.
Uphinde waqinisekisa ukuthi akukabi nazinngqinamba zothisha ezikoleni zesifunda kodwa uma ziqhamuka bazobhekana nazo ngokushesha.
UChonco uphinde wakhuluma ngezokuthuka abantwana waveza ukuthi kunohlelo olusha oluzothulwa isifundazwe lapho kuzonikezwa izinkontileka ezintsha kwabaqhuba loluhlelo.
Unxuse abazali nazo zonke izinhlaka zomphakathini ukuthi zibe yingxenye yomnyango ukuze umsebenzi wabo ube yimpumelelo ekupheleni konyaka.
UChonco uphindewabonga kakhulu ukuzinikela kothisha ngonyaka odlule okuveze imiphumela emihle. Uthena nalulonyaka umnyango uyafisa ukukhiqiza imiphumela emihle ekupheleni konyaka.
‘Sibonga uhlelo olwenziwe othishomkhulu lokuthi basheshe baqale ukufundisa abafundi bebanga leshumi.
Loluhlelo luzokwazi ukunika isikhathi esenele sokubuyekeza umsebenzi’, kuqhuba uMnu Chonco.
District Education Department ready for the academic year