Sikhulu isililo ngekhansela elibulewe laseJozini
USADIDEKILE namanje umphakathi waswJozini emuva kokubulawa ngesihluku obeyikhansela uMnu Njabulo Dlamini obephethe kuWadi 10.
UDlamini wabulawa umlisa ongaziwa ngesikhathi ezincebelekela olwandle lwase-Richards Bay ngosuku lokuqala enyakeni.
Obazibonela bathi lomlisa wafika wazocela ukudla kuDlaimini.
Emuva kokuthi uDlamini amuphe ukudla, lomlisa wabe esehamba kodwa emizuzwini engemikaki wabuya wambhkoda ngommese waphelela khona lapho.
Lesi sehlakalo sesivuse izinsolo eziningi kubahlali nasembuthweni we-ANC yase-Far North Region.
Okhulumela lesi siyingi uNksz Nkosingiphile Myeni uthi kuyasolakala ukuthi umbulali wayesuka noDlamini eJozini njengoba ebekade engaziwa eRichards Bay.
‘Sizomkhumbula ngokuzinikela kwakhe kakhulu emikhakheni yokuthuthukisa umphakathi kuhlangene nezinhlaka zokuthuthukisa ezemfundo abekubeke phambili ngaso sonke isikhathi,’ kuchaza okhulumela Myeni. Uphinde wanxusa ukuba amalungu eqembu ebelimuthumile nawomphakathi angalokothi aphazamise uphenyo lwamaphoyisa oluqhubekayo.
UMyeni ukhalisane kakhulu amalunga omndeni kaDlamini nezihlobo ngokulahlekelwa kwawo indodana ebibahlonipha futhi obekusalindeleke okuhle kuyona. OnguSomlomo woMasipala waseJozini uKhansela Lindiwe Gumbi naye ukhalisane umndeni waphinde wachaza ukuthi nabo bengumkhandlu abasele ngaphandle njengoba bebebambisene noDlamini kuzo zonke izinhlaka zokuhambisa intuthuko kubantu. UNgqongqoshe woMnyango wezokuBusa ngokuBambisana neziNdaba zoMdabu uNomusa Dube-Ncube ugqugquzele amaphoysa ukuthi asebenze ngokushesha ukuthola abenze lesisenzo.
Uthena umnyango wakhe uyalwisana noku nokubulawa kwamakhansela kulesisifundazwe.
Jozini community still in shock after the brutal murder of Ward 10 councillor