Intsha ye-IFP income imiphumela kamatikuletsheni emihle
INKULU inhlokomo ngemiphumela kamatikuletsheni yangonyaka odlule esifundeni Sase-King Cetshwayo. Intsha yeqembu le-IFP isiveze ukuncoma ngomehluko uma kuqhathaniswa imiphumela yangonyaka ka-2016.
Lokhu kucace emibikweni yaloluphiko ngesikhathi kunesithangami sabezindaba ebesiqhubeka emahovisi aleliqembu ngoLwesine.
Ekhuluma nabezindaba ongusihlalo wobuholi bentsha uMnu Ntokozo Mafuleka ubonge ukukhuphuka kwezinga lokuphasa nokubambisana phakathi kwabafundi, othisha, abazali nezinye izinhlaka.
‘Umbuzo esinawo kodwa owokuthi engabe iziphi izinhlelo uhulumeni azoqhamuka nazo ukusiza lentsha ephumelele iqhubekele phambili,’ kusho uMafuleka.
Ubuhloli buphinde bashayela ihlombe izikole eziphumemele ngamalengiso emuva kokubhekana nezinkinga phakathi nonyaka.
Lezi zikole ezikhiqize imiphumela emihle kubalwa kuzo iQantayi, eSikhaleni, Obuka, Bhekikusasa, Mkhonto nezinye.
‘Sifisa ukuthi njengeqembu uma kuqala unyaka ka-2018 kusheshe kuqalwe ukufunda ukuze kuqedwe isikhathi sokubuyekeza umsebenzi sisekhona.
‘Lokho kuyokwenza ukuthi abantwana abasasele bacoshe ithuba elanele lokuthi bahlomele ukuphela kwalonyaka,’
‘Okunye esikulindele ukubona izinhlaka ezimbili zophiko lwasoNgoye nezikhungo ezintathu zaseMfolozi eziqeqeshela amakhono zinikeze abafundi abaphumelele imfundo yekhethelo ehambisana namathuba okuthola umsebenzi,’
‘Sinxusa kakhulu abafundi abenza umatikuletsheni kulonyaka ukuthi bafake izicelo zokungena ezikhungweni zemfundo ephakeme ngesikhathi esifanele ukuze kugwemeke izinkinga eziba khona,’
OkaMafuleka uphinde wabeka umbono wakhe mayelana nenkulumo kamengameli yemfundo yamahala emanyuvesi. wokuthi ‘Thina njengeqembu luzokwenzeka sinombuzo kanjani loluhlelo njengoba ngisho noSolwazi nezinye iziphathimandla ezisemazingeni aphakeme nazo zididekile,’
‘Omunye umbuzo esinawo owokuthi yini kuqalwe ezikhungweni zemfundo ephakeme ekubeni ngisho nabafundi bamabanga aphansi kuhlangene nezinkulisa bakhona labo abaqhamuka emindenini eswele abaludingayo usizo lwemfundo yamahhala,’ kuphetha IFP uMafuleka. Youth Brigade praise regional 2017 matric results