Umbika kanjani umuntu onyamalele emaphoyiseni?
YIZE eminyakeni eyedlule, kwakulindwa kufakwe isicelo sokunyamalala komuntu kuqala, ngaphambi kokuba lowomuntu athathwe njengonyamalele, ngokwewebsite yasemaphoyiseni esemthethweni, umuntu noma abantu abanyamalele kumele babikwe ngokuphazima kweso esiteshini samaphoyisa esiseduzane.
Iphephandaba i-Eyethu Bay Watch lihlala njalo lithintwa yizihlobo zabantu abanyamalelem, zicela ukuba basabalalise izithombe zalabo bantu abanyamalele nezingane.
Esikhathini esiningi, izicelo ezinjengalezi zifika sekudlule usuku, izinsuku noma izinyanga kade banyamalala labo bantu, lokho okugcina kungatheli zithelo.
Ulwazi
Ukulekelela amaphoyisa ngophenyo, kumele uwahlinzeke ngalokhu okulandelayo:
• Isithombe esingesidasla kakhulu salowomuntu onyamalele uma kunokwenzeka.
• Hlinzeka ngolwazi lomuntu onyamalele, nokuthi wagcina ukubonwa ekuphi, egqokeni kanye nalo lonke ulwazi olungasiza umphenyi wecala.
• Uzocelwa ukuba ugcwalise uphinde ulisayinde ifomu elibizwa ngeSAPS 55(A) form. Lelifomu livikela amaphoyisa ekuthole imibiko engombombayi futhi ligunyaze amaphoyisa ukusabalalisa izithombe nemininingwane yalowomuntu onyamalele.
• Kumele uthole izinombolo zokuxhumana nomphenti wecala bese uthumela lonke ulwazi ongaba nalo kuyena.
• Uma etholakala lomuntu obenyamalele noma ezibuyela yena, kumele wazise amaphoyisa ngokuphazima kweso. Kumele ke kugcwaliswe ifomu elibizwa nge- SAPS 92 form, bese kwaziswa ihhovisi lokuNyamalala Kwabantu ukuthi imininingwane yokunyamalala kwalowo muntu isingasuswa ohlelweni lokusebenza.