Likhulile izinga lezemidlalo eNkandla
LIKHOMBISE ukukhula izinga lezemidlalo ngaphansi koMasipala waseNkandla kuyona yonke imikhakha yezemidlalo, njengoba kade kuqhubeka uchungechunge lwemidlalo yeMayoral Cup.
Kulonyaka lemidlalo iqale ngokuthi kube yizikole zamabanga aphansi, ebezigadulisana.
Kulemidlalo kunqobe iDinintuli yaseMfongosi, kwazothi ezikoleni zamabanga aphakeme, kwanqoba iVelangaye.
Lesi sikole sikhombise ukuvuthwa kakhulu kwezemidlalo, njengoba nakwelezinyawo labesifazane nakhona, ibingagayelwa mphako.
Ekhuluma kulomcimbi lowo oyiMeya yalomkhandlu uKhansela Thamsanqa Ntuli, uthe ngalemidlalo bahlose ukuvundulula amakhono kubadlali abazobeka indawo yaseNkandla kwibalazwe.
‘Njengoba sazi ukuthi kuyaphilwa ngezemidlalo kweminye imizi, nalapha sifuna ukubona labo abazothuthuka bagcine sebondla imindeni yabo,’ kuchaza uNtuli.
Kuphinde futhi kwaba nemidlalo yebhola lomnqakiswano, isibhakela sabesilisa nabesifazane kanye nechess, nobekuyimidlalo ebiqala ukuba khona.
Nakuba sinemali engenele ukufeza zonke izidingo, kodwa kulokho okuncane esinakho siye sibeke nesabelo sentsha, ezosiza ukuthuthukisa intsha kwezemidlalo.
Ngeminye imininingwane thola iphepha le-Zululand Observer yangoLwesine.
Nkandla Mayoral Cup a success