Isikhalo ngokwentuleka kwamanzi eNtambanana
KUPHAZAMISEKE yonke into okubalwa kuyona izikole, imitholampilo, izinto zokuhamba ngesikhathi umphakathi waseNtambanana kwesenkosi uMchazeni Mthiyane, ukhala ngamanzi abangakawatholi ngendlela efanele kuze kube yimanje.
Lomphakathi usathembele kulawo manzi lethwa ngezimoto zamanzi.
Izikhulumela nephephandaba Inkosi yesizwe ikhombise ukungajabuli ngento eyenzeka esizweni sayo, ethio asinakwa, kodwa sinakwa uma sekufike isikhathi sokuvota.
‘Sesiyakuqaphela ukuthi izinkinga zethu azisukunyelwa uma kusekuhle, kodwa uma sekusondele ukhetho, yilapho esiqala khona ukuthathelwa phezulu.
‘Lento sibona iwuphawu lokungawuhloniphi umphakathi wakulendawo,’ kuchaza Inkosi uMthiyane.
Elinye ilungu lalomphakathi uMnuz. Nathi Mthiyane ukhale kakhulu, ngokuthi lenkinga iqale ngesikhathi kubulawa uMasipala waseNtambanana.
‘Kulapho okuqale khona izinkinga. Kwaze kwabiwa amaWadi, nawo abukeka ekude nomasipala okuthiwa siphansi kwabo, futhi nabangasikhombisi ukuthi kukhona okuhle abasifisela khona.
‘Okunye okukhalisa kakhulu, yilemihlobiso yompompi esifakelwe yona, nekhipha amanzi kanye ngenyanga noma ize iphele inyanga kungaphumanga lutho, nokuthi nanokuba siyakhuluma kungenxa yezimoto zamanzi, nazo abashayeli bazo abagcina sebeziphendula ezabo sebenza abakuthandayo.
‘Njengoba besivalile besifuna ukuthi sithole impendulo ezosikhombisa umnyango ofanele ukuthi singene kuwona ukuze sithole ukunakekeleka.
‘Okufike kusiphathe kabi kakhulu ukuthi asikho nasinye isikhulu sikamasipala noma ikhansela olithola likhala esamanzi emzini walo, ukunalokho ungafika amanzi bewaphethe budlabha,’ kuchaza uMthiyane obekhombisa ukunengeka.
Mayelana nokhulumela umasipala, kugcine kungatholakalanga muntu onento eqondile, ngoba lendawo nobani ubeyiphika ayikhombe komunye.
Kwenzeka konke loku nje, izikole nemitholampilo, bekuqhubeka nokuthwala kanzima, njengoba ebengekho amanzi.
Ntambanana community demand water supply