Kushone iKhansela laseMtuba
SISESIKHULU isililo ngokudlula emhlabeni kweKhansela likaMasipala waseMtubatuba, uMnuz. Luke Ge Mkhwanazi. Izindaba zokudlula emhlabeni kweKhansela uMkhwanazi, ziqinisekiswe nguSomlomo walomasipala, uKhansela Zakhele Nyawo.UNyawo uthe bashayeke udume lwengozi engeqiwa ntwala ngokudlula emhlabeni kukaMkhwanazi, obeneminyaka engu-64, nobephethe isigceme uWadi 12, esingaphansi kwawo lomasipala. ‘Ngokuzwa kwethu, ubaba uMkhwanazi ubevele esembikele unkosikazi wakhe ukuthi akaphilile kahle, uhamba nokugula.’Unkosikazi wakhe usibikele ukuthi uShamase ukhombise izimpawu zokugula, base bemphuthuma ngokumnika amanzi okuphuza kanye nokumhambisa emtholampilo, kodwa wala waphetha, ethi asisekho isikhathi.’Ukhombise ukuba ngumuntu obeseyibonile indlela yakhe. Ukunalokho uthe asimbizele izingane. Ngesikhathi zifika zona zivele zamphuthumisa emtholampilo, nokuthe esefika emtholampilo, wahlonzwa njengomuntu oseshonile vele,’ kulandisa uNyawo.UNyawo uchaze uMkhwanazi njengekhansela ebeliyisikhwishikhwishi nesishabasheki sentuthuko, obethanda ukuthuthukisa umphakathi wakhe.’Ubesebuya ihlandla lesibili emkhandlwini njengeKhansela likamasipala elavotelwa ngabantu ngo elethu. Ngaphezu kwalokho, ubebuye futhi abe ngumsunguli weqembu lebhola lezinyawo lendawo, Ikhono FC.
Amagalelo akhe avelele futhi, ngesikhathi esengusihlalo wenhlangano yamatekisi, iDukuduku Taxi Association, ngaphezu kwalokho ubebuye abe ngumnikazi wenkampani yonogada Ikhono Security Company. Ubewusizo kakhulu emphakathini waKwaShikishela, esiza kakhulu abampofu nabaswele,’ kuchaza uNyawo osebenze kakhulu nalelikhansela.
Mtuba local councillor dies