Kuxwayiswe abesifazane
OKHULUMELA amaphoyisa esiFunda sase-King Cetshwayo, uKaputeni Mbongeni Mdlalose, usenxuse umphakathi ikakhulukazi abesifazane, ukuba bengagibeli izimoto zabantu abangabazi.
UMdlalose wenze lesi sexwayiso, ngemuva kwesigameko esenzeke ngesonto eledlule, sokuthunjwa nokudlwengulwa kowesifazane oneminyaka ewu-18 wakwesaKwaMthethwa.
Kubikwa ukuthi lowesifazane ebesuka emahhovisi oMnyango Wezasekhaya, e-Richard’s Bay, ngesikhathi egitshezwa wumsolwa, okungowokudabuka eTanzania.
UMdlalose uthe lona, wesifazane ebezihambela eduzane komgwaqo ngesikhathi esegitshezwa wumsolwa, noshaye washushuluza ngemoto elibhekise ngaseMpangeni.
‘Lowesifazane uthe umsolwa uhambe naye waze wayofika lapha ehlala khona eMpangeni, nokuyilapho amdlwengulele khona, kusukela ngoLwesihlanu, waze waphunyuka ngoMsombuluko ekuseni, nokuyilapho ehlabe ngejubane wayobika emtholampilo waseMpangeni.
‘Ube eselethwa kithi yizikhulu sasemtholampilo, nokuyilapho sivule khona icala lokudlwengula nokuthumba esiteshini samaphoyisa eMpangeni.
‘Emva kokuvula lelicala idokodo libe seledluliselwa ophikweni oluphenya amacala aphathelene nokuhlukunyezwa kwabesifazane.’
Umphenyi wecala uqale ukuphenya kwakhe, nokuholele ekuboshweni komsolwa waseTanzania, oneminyaka ewu-28.‘
Lomlisa ubesevelile enkantolo yemantshi eMpangeni ngoLwesithathu, ukuzobekwa amacala okudlwengula nokuthumba, kodwa ube esebuyiselwa ezitokisini, njengoba inkantolo ibisathungatha utolika wesiShwahil,’ kubeka uMdlalose.
King Cetshwayo Police Cluster warn the community to refrain from taking lift from strangers