Amabomvu asonga ngokulwisana nenkohlakalo
INHLANGANO yamaKhomanisi esifundeni i-Riot Makomanisi Mkhwanazi isizwakalise ukukhathazeka ngezinga lempilo yabantu bakulendawo. Lokhu kugqame ngesikhathi lenhlangano ihambele endaweni yaseGoyintethe, ekuWadi 8 ngaphansi koMasipala waseMfolozi. Ukuhambela kwalenhlangano yamabomvu kulendawo bekuyingxenye yokuzokwethula ngokusem thet hweni umkhankaso wayo owaziwa nge-Red October Campaign, lapho khona behamba behlola isimo senhlalo yezakhamizi zakuleli, babuye baqinise nemikhankaso yokulwisana nokucindezelwa kwabampofu ngongxiwankulu.
OnguNobhala walenhlangano esifundeni saseKing Cetshwayo uMnuz. David Chonco uthe ukuhambela kwabo eGoyintethe kuwukukhombisa ukuthi babakhathalele kangakanani abantu abahlwempu.
‘Asiyona nje inhlangano ekhathalele abantu basemadolobheni kuphela, kodwa nabantu basemakhaya sikhathazekile ngezinga lempilo abayiphilayo. Lokhu sikuqondanise nokukhumbula isigayigayi sethu uStalin Mtshali, osanda kudlula emhlabeni.
‘Sesiqale umkhankaso wokuthi singahlali phansi silindele abantu ukuthi baze bayongena emigwaqeni, uma kunezinto ezingabaphethe kahle. Sifuna ukunxenxa uhulumeni ukuba asheshise uhlelo lokulethwa kwezidingo nqangi zabantu. Obeyisikhulumi sosuku uMnuz. Sifiso Gwala, obeqhamuka esigungwini esiphezulu samabomvu esifundazweni, uthe bazolwela ukusondeza izinhlangano ezingamadle landawonye ukuze kusheshiswe ukuletha kwezidingo nqangi kubantu.’Sifuna nokufundisa intsha ngezinto ezithinta inkohlakalo, ukuze ikwazi ukuthi ibe nezwi nalapho engaboni kahle khona, ezintweni eziqondene nentuthuko. Sifuna ikwazi ukuvikela izimali zabakhokhi bentela,’ kuchaza uGwala.
SACP launches Red October campaign