Bakhuthazwe ngemfundo abaseMgezeni
BAKHUNJUZWE ngokubaluleka kwemfundo, babuye banxuswa ukuba bayisebenzise ukuvula yonke iminyango yempilo abafundi baseMgezeni High School, eNtambanana.
Likhuluma nabafundi abebelungisela ukubhala izivivinyo zabo, iPhini leMeya kaMasipala waseMfolozi, uKhansela Simangele Thabethe lithe namanje imfundo kuyiyo kuphela isikhali sempumelelo. Uxwayise iningi lentsha engasalawuleki, eyinxusa ukuba ibuyele esikoleni, ngoba izwe alikwazi ukusebenzisa abantu abangafundile.
‘Ayikho into emnandi njengokuthi kusasa uthi uma udlula eceleni kwalesikole enifunda kuso, uzizwe ujabula ngoba kulapho osuke uphekwe khona ukuthi uze ufinyelele esicongweni, kuchaza uThabethe onanelwe ngehlombe ngabafundi besikole.
UThabethe unxuse abafundi bebanga likama tikuletsheni ukuba nakulonyaka bakuphinde lokho abadume ngakho, ukuphumelela ngamalengiso, baqhubeke nokubeka lomasipala kwibalazwe. Ebonga egameni labafundi, uNkosenhle Mthiyane uthe bazibone kubafanele ukuthi benze kahle kulonyaka, njengoba bethole lenhlanhla yokuthi loluhlelo lomkhuleko luqale ngabo. Uphinde wabonga nothisha babo abasebenze ngokuzikhandla kusukela unyaka uqala, kuze kube kufika isikhathi lapho sekufanele bazuze lokho abakufundile.
‘Nakuba sibe nesikhathi esinzima sokufunda kodwa sibonga othisha na b azalia baku qi ni seki si leukut hi sihlale siphephile.’
Deputy Mayor for Umfolozi Municipality motivates learners