Imashele ukubhukuda mahhala i-EFF
AMALUNGU ezinhlangano zezombusazwe e-King Cetshwayo, amashele emahhovisi eZemvele Wildlife ngosonto eledlule, eyodlulisa uhlu lwezikhalazo zawo.
Lombhikisho ubuholwa yi-Economic Freedom Fighters (EFF), ebihambisana ne-ANC ne-IFP.Lamaqembu akubeke kwacaca ukuthi awahambisani nokukhokhiswa kwabantu izimali, uma befuna ukubhukuda olwandle lwaseMtunzini.
Obehola lombhikisho, uMnuz Simphiwe Ndlela, uthe kubakhathaza kakhulu ukuthi abantu bakhokhiswa imali elinganiselwa ku-R30 ngamunye, ukuze bavunyelwe ukubhukuda kulolu lwandle.
‘Simile ekutheni akekho umuntu okumele akhokhiswe ngokubhukuda olwandle, njengoba engekho umuntu onelungelo lobunikazi bolwandle.
‘Iningi labantu bakithi abanamali, ngakho ke abakwazi ukuvinjelwa ukubhukuda noma baphoqwe ngenkani ukuba bakhokhe.
‘Sifuna futhi nezikhulu zakwa-Wildlife zenze isiqinisekiso sokuthi, kulolulwandle kukhona abahlengi (life saver) abazosiza ngokuhlenga abaminzayo.
‘Sifuna futhi kuhlinzekwe nemipheme yokukhosela uma lina.
Sifuna kube khona nezindawo ezihlelekile zabadayisi,’ kubeka uMnuz. Ndlela.
Uqhube wathi badinga ukuthi kunwetshwe umgwaqo ukulwisana nesiminyaminya kulendawo ngesikhathi samaholidi. ‘Sizokwenza konke okusemandleni ukuthi kubhukudwe mahhala kulolulwandle,’ kugcizelela uNdlela.
Leliqulu libe selidlulisela uhlu lwezikhalazo zabo kwibamba lemenenja yakwa-Wild Life e-King Cetshwayo, uMnuz. Cedric Coetzee, bamnika izinsuku eziyisikhombisa ukuphendula.
EFF demands free swimming at Mtunzini beach