Asizikhetheli imuva kodwa singalikhetha ikusasa
NAMUHLA ngiyathanda ukuthi sizinike isikhathi sokucabanga ukuthi, ingaba njani i-South Africa ejabulele ukukhululwa kubandlululo, yathatha amathuba enikezwe wona ukuthuthukisa izwe nezimpilo zayo?
Nakuba kungeke kwenzeke konke ngokushesha, kodwa umehluko ungaba mkhulu ngendlela emangazayo.
Lokho futhi kungethula umthwalo kuhulumeni, ngoba zingancipha izandla ezikhangezayo, kwande abantu abasebenzayo, bakhokhe intela kuhulumeni, bondle bafundise imindeni yabo, bakhusele nekusasa labo, bathuthukise umnotho wezwe.
Kulesi sizukulwane sanamuhla esizalwe sekuzophela ubandlululo, naleso esizalwe sekuphele ubandlululo, mngakanani umehluko abazimisele ukuwenza ezimpilweni zabo kanjalo nasezweni labo?
Yebo izinto eziningi kubo zize kalula, kodwa bazokwenzanjani ngalokho?
Bazothatha lezi zibonelelo zikahulumeni bazijikijele ebusweni bukahulumeni futhi?
Yilokho abakwenzayo uma bengafuni ukuthatha amathuba bawasebenzise, bajike bathuke ngawo uhulumeni obakhele izindlu zamahhala, wabanikeza imali yezibonelelo, nyanga zonke nokunye.
Ngiyathanda kesibheke ukuthi uma impilo yomuntu wesifazane noma wesilisa ingambeki esimweni sokuthi ashade noma ashadelwe, kubalulake ngani ukuthi bakipite? Mhlawumbe ngiyilenhlobo endala, engazazi izinto zamanje.
Ukushada nokushadelwa kungukuzikhethela komuntu leyompilo, nokuhlalisana kungukuzikhethela futhi.
Uma ukuhlalisana kuyinto enhle, kushadelwani pho?
Yikuphi okuyikhona okulungile? Lendaba inokuthi ukukholwa nokukholelwa kwethu kuthini. Ithini imiyalelo noma izifundo ezisithola ebhayibhelini ngalokhu? Ngokwesiko ke khona sifunda noma sithola ziphi iziyalo neziqondiso?
Ngokokukholwa, kunezimpikiswano ngalokhu, ngoba abefundisi bamaRoma bebephikisana nokushadelwa, nabesifazane babo abanye, bakhethe ukuba ngamandela.
Kodwa futhi imindeni yabantu abashadile ikhona kulelibandla.
Omunye uzothi kusizani ukushada ngoba amadoda esithandana nawo yilawa aganiwe kodwa siyawathola?Kanjalo namakhosikazi ashadile siyawathola, sithandana nawo?
Yiziphi izifundo ezakhayo ezitholakala kulezi zimpilo, eyomshado nekamahlalisana?
Umshado nokuhlalisana yizimpilo lezo abantu abazikhethela zona. Kanjalo futhi nokuzihlalela nje udle emgqonyeni, noma emdibini kungukuzikhethela.
NONTOBEKO MZIMELA Ngwelezana
We don’t choose our past