Bathembise izinguquko abamabhasi i-Zululand Bus
INKAMPANI yamabhasi i-Zululand Bus Services isiqhamuke namasu amasha azokwenza umsebenzi wayo ukwazi ukwenelisa abagibeli.
Lokhu kuvele esithangamini sabezindaba, ebesibizwe yilenkampani, kulandela uthuli lwezichwe olwasuswa ngabagibeli emavikini ambalwa edlule.
Labagibeli bavala imigwaqo yaseNseleni, bekhala ngendlela okusebenza ngazo izinkampani ezimbili, okuyi-Zululand Bus Service neKwaMthethwa Bus Service
Eqeqebula kulesi sithangami umphathi we-Zululand Bus Service, uMnuz. Mduduzi Sithole ubonge indlela umphakathi obambisene kahle ngayo, naphezu kwezihibe ezike zavela ngendlela.
‘Okuseqhulwini siza nohlelo lwalabo abazobonakala bengena
Kwesobunxele umphathi wenkampani uMnuz. Mduduzi Sithole, Richard Buthelezi noBoyzie Sibiya abazimisele ngokwenelisa abagibeli babo
bephuma emabhasini, ukugcina umsebenzi uqhubeka ngendlela efanele.
‘Sifuna abantu abazobheka ukuthi abasebenzi okungabashayeli bayayigcina yini imithetho yenkampani.
‘Sinxusa umphakathi ukuthi ukuqonde ukuthi lababantu abezayo abazile ukuzowuhlukumeza, kodwa bazowuvikela kuzona zonke izinto ezingawuphazamisa, ngesikhathi usemabhasini.
‘Sizophinde futhi sivuselele nohlelo lwamakhamera, olungolunye lwezinhlelo abagibeli abalujwayele, olusiza kakhulu uma kunezingozi.
‘Ubuye wanxusa abagibeli ukuthi babekezele, ngoba basezinhlelweni zokuthi uma kuphela u-February, babe sebeyifakile imishini eyasusa uthuthuva, ukuze banelise abagibeli.
‘Sinxusa ukubambisana nomphakathi esiwusebenzelayo, ukuze umsebenzi wethu ube yimpumelelo.’
Zululand bus service promises changes