Kubanjwe inkunzi isitolo sasoLundi
AMAPHOYISA asoLundi aphenya icala lokubanjwa inkunzi kuhlonyiwe, lapho kuthathwe khona isamba semali esingadalulwanga ngoMsombuluko owedlule.
Kubikwa ukuthi ngoMsombuluko ekuseni, umsebenzi oshaya isisefo ebesesitolo, ngesikhathi ebona unogada olanda imali engena kulesi sitolo egqutshwa wumsolwa obemkhombe ngesibhamu.
Okhulumela amaphoyisa esifunda sase-Zululand, uKaputeni Nkosie Gwala, uthe umsolwa uqhube lonogada baqonda ehhovisi elihlala imali lapho kunesi sefo khona.
‘Sithole ukuthi ngaleso sikhathi umsolwa ubuye waphoqa lomsebenzi ukuthi ahambe nabo ukuya kulelihhovisi.
Kuthe uma bengena umsolwa waphoqa unogada, ukuthi akavule lesi sisefo.
‘Unogada ube esedlulisa izikhiye zesisefo kulomsebenzi, ukuthi kube nguye ovula isisefo semali,’kubeka uGwala.
Uqhube wathi ngaleso sikhathi umsolwa uqhubeke nokuphoqa lomsebenzi ukuthi afake yonke imali kuplastiki.
‘Ngaleso sikhathi umsolwa wesibili ebematasa ezitapela ezisefweni, maqede wadlulela kulelihhovisi, okuhlala kulo imali, wafuna ngodli imali eshintshekile.
‘Bathe uma sebeqedile ukuthatha imali, bathatha isibhamu sikanogada, baqede bashaya utshani.
Akubanga khona kudubula kulesi sigameko.
Ngokusho kozibonele, bekunabasolwa abathathu ebebehlomile.
Omunye emi ngaphandle egade okuthi khwasha. Ngesikhathi laba abasolwa ababili bematasa, bethatha imali esitolo,’ kubeka uKapt. Gwala.
UGwala uthe icala lokubanjwa kwenkunzi kuhlonyiwe livulwe esiteshini samaphoyisa oLundi kanti akukaboshwa muntu.
Ulundi supermarket robbed