Jong Vicky Cupido verras by Aarbeifees

Die 12-jarige Vicky Cupido wat in tydelike kleure deelgeneem het, het Saterdagoggend vir ‘n groot opskudding gesorg toe sy die ope-vroue afdeling in die 5 km by die Aarbeifees in 17:54 gewen het.

Die wedlope is deur Nedbank SWDatletiekklub aangebied en het 395 atlete gelok.

Die veteraan, Johanna Claassen (25:26) van Nedbank SWD, 18-jarige Zhane Vorster (26:20) van Nedbank SWD, meester, Ronel Pieterse (26:26) in tydelike kleure en die 18- jarige Zanelle Vorster (28:54) van Nedbank SWD het Cupido gevolg.

Die ope-mans afdeling is deur die Elfonzo Pieterse van Nedbank (17:54) gewen, Auschten October (18:15), Bradley Carelse (18:55), Noof van Vuuren (19:26), almal ook Nedbank, en Reynard van Straaten (22:05) van Grasshoppers Outeniqua Harriers het hom gevolg.

Die 29-jarige Lloyd Bosman (28:22) van Nedbank SWD het die 9 km-wedloop gewen.

Heinrich Wagner (29:39) van KPMG, Melikhaya Msizi (31:12) van Knysnamarathonklub, Christopher Swart (31:15) in tydelike kleure en Francois Maquassa (31:47) van Nedbank SWD het hom gevolg.

Anita Beutel (42:44) tydelike kleure,

Chane Gricius (43:00) van Grasshopper Outeniqua Harriers, Charlotte Lovemore (43:35) in tydelike kleure, Wendy Joubert (44:50) van Langeberg-atletiekklub en Ariadne van Zandbergen (45:23) van CMSEDEN het die ope-vroue afdeling gewen.

Foto’s: Anton Gericke Mamohloya Mashala Conrad en Tarren Julies in aksie in die 5 kmwedloop. Elfonzo Pieterse (Nedbank) het Saterdag die 5 km-wedloop by die Aarbeifees gewen.

Lloyd Bosman (Nedbank) het in die 9 km-wedloop geseëvier.

Zhane Vorster (links) en Dylan Potgieter nader die eindpunt van die 5 km-wedloop.

Reynard van Straaten (Grasshopper Outeniqua Harriers)

Noof van Vuuren

Duan Gous

Zanelle Vorster draf gemaklik saam met Koos Botha.

Dawid Simeon du Plessis