Progress haal Goue Beker-kwarteindronde

Progress het Saterdagmiddag hul derde oorwinning agtereenvolgens behaal in SARU se Goue Beker-kompetisie toe hulle Old Selbornians van Oos-Londen in Rosemoor met 30-27 geklop het.

Die rustydtelling was 20-10 vir Progress. Progress is die enigste onoorwonne span in Groep C en het 14 punte op die punteleer. Hulle speel nou in die kwarteindronde op 14 Oktober.

Progress pak Saterdagmiddag om 15:00 die klubkampioen van OP, Progress, op Despatch. Wen Progress met volpunte, kry hy ‘n tuiskwarteindstryd.

Progress het Saterdag eerste bloed geruik toe Fizell Fredericks (linkervleuel) oor is vir ‘n skitterende drie. In die 36ste minuut het hul binnesenter, Werner Jacobs, gaan druk na ‘n beweging wat deur hul skrumskakel en kaptein, Mzoxolo Dyantyi, begin is. Jacobs is in die 39ste minuut onder die pale oor vir sy span se derde drie.

Lushiano James (regtervleuel) is in die 48ste minuut oor vir sy span se bonuspuntdrie na sterk lopies deur Jacobs, Henry Wolhuter (losskakel) en Ethan Williams (buitesenter).

Jacobs was uitstekend op die aanval en verdediging en is welverdiend aangewys as speler van die wedstryd. Hy is definitief ‘n talentvolle speler wat nog diep spore kan trap in SWD-rugby.

Die slot, Gaywin Smith, was ‘n toring van krag in die lynstane. Hul lostrio, André Jantjies, Chumani Kema en Wendell Pondo het as eenheid baie goed saamgespeel.

“Ek is baie in my noppies oor ons volpunte oorwinning. My span is nou besig met ‘n opwaartse kurwe, maar ons besef daar is nog harde werk wat voorlê,” het Vincent Moos, hoofafrigter van Progress, na die wedstryd aan die George Herald gesê.

Progress 30 (20): Drieë - Werner Jacobs (binnesenter, 2), Fizell Fredericks (linkervleuel), Lushiano James (regtervleuel). Henry Wolhuter (losskakel) slaag met 2 doelskoppe en 2 strafdoele.

Puntemakers:

Foto’s: Hugo Redelinghuys Henry Wolhuter (losskakel) het vir Progress 10 punte met sy skoen aangeteken. Werner Jacobs, skitterende binnesenter van Progress, druk die eerste van sy twee drieë teen Old Selbornians van Oos-Londen. Jacobs is as speler van die wedstryd aangewys....

Henry Wolhuter (losskakel) nael sterk met die bal met Werner Jacobs (regs) wat hom dophou.

Xavier Scholtz, plaasvervanger-haker, het weer die oog gevang met sy inklimspel. Werner Jacobs sny deur Old Selbornians se verdediging op pad na sy drie. Die Progress-regtervleuel, Lushiano James, slaan bollemakiesie na hy agter die pale gaan druk het.

Chumani Kema, puik losvoorspeler van Progress, val aan met die bal.