Veg vir Souwesia
Nickey le Roux
O ndersteuners en lede van beide die Vriende van Souwesiastrand Groot-Brakrivier en die Gourikwa Khoi-stamhuis het op Vryheidsdag in groot getalle na die gewilde strandgebied opgeruk om beswaar te maak teen die voorgestelde ontwikkeling van onder meer 'n driester gegradeerde woonwapark, dag-ontspanningsfasiliteite en behoorlike toegang tot die strand.
Volgens die organiseerders het mense nie net van Mosselbaai en Groot-Brakrivier nie, maar selfs vanaf Kaapstad en Gauteng aan die protesoptog, wat in 'n baie goeie gees verloop het, deelgeneem. Die optog volg op 'n besluit deur die Mosselbaai-munisipaliteit om die Souwesia-strandgebied vir 'n tydperk van 30 jaar per tender te verhuur met dien verstande dat die suksesvolle tenderaar die gebied volgens tenderspesifikasies sal opgradeer, onderhou en vir 12 maande van die jaar vir besoekers sal oopstel.
Die strandgebied bly egter steeds die eiendom van die Mosselbaai-munisipaliteit. Die voorgenome ontwikkeling volg op herhaalde versoeke deur die gemeenskap aan die Mosselbaai-munisipaliteit dat die strandgebied opgegradeer moet word. Hazel April oorhandig die gemeenskap munisipale se petisie aan die waarnemende bestuurder, Edward Jantjies (links). in die Mosselbaai Icosa se verteenwoordiger munisipale raad, raadslid Dawid optogorganiseerders, Kamfer, een van kyk toe. die
Vriende van Souwesiastrand
Volgens die griefskrif van die Vriende van Souwesiastrand, word vereis dat "die strand net so behoue moet bly en dat dit opgradeer moet word tot 'n bekostigbare kampeergebied vir almal."
Die groep het ook daarop aangedring dat "die kontrak van De Vette Mossel, wat op die terrein van Souwesiastrand is, onmiddellik gekanselleer word aangesien dit geen voordeel vir die gemeenskap inhou nie."
Dié groep meen dat hulle deur die raad mislei is "deur hulle nie in te lig rakende hul voornemens om die strand op tender te sit vir verhuring nie."
Gourikwa Khoi-stamhuis
Die Gourikwa Khoi-stamhuis het daarop aangedring dat 'n "politieke besluit gemaak [moet] word ten opsigte van die grondeis wat ons volgens die gewoontereg van die SA Grondwet die wettige eienaars maak."
Hulle vra ook dat die gebruik van konsultante uit alle prosesse gehou word, en dat die geriewe op die terrein wat weens vandalisme gesloop moes word, heropgerig moet word.
Voorts vra hulle dat 'n vennootskap gevorm moet word tussen die gemeenskap, die munisipaliteit en die departement landelike ontwikkeling om te besin oor die ontwikkeling van die strandgebied.
Hierbenewens vra die Gourikwa Khoistamhuis dat "alle vorige transaksies ten opsigte van grondverkope van Souwesia/ Otto onder lope [loup] geneem word" en dat die grondgebied in trust oorgedra moet word aan die gemeenskap.
Beide groepe het gevra dat die munisipaliteit op hul aansprake moet reageer, die Vriende van Souwesiastrand vereis terugvoer binne sewe dae, die Gourikwa Khoi-stamhuis daarenteen vra dat binne vier weke terugvoer gegee moet word.