DA hou styf vas aan wyk 18
Michelle Pienaar
D ie DA slaag sekerlik ‘n sug van verligting ná die tussenverkiesing verlede Woensdag (25 April) in wyk 18.
Die party het die wyk behou, ondanks hewige woelinge verlede week by Georgemunisipaliteit, twee dae voor die verkiesing. Die nuwe wyksraadslid vir wyk 18 is Jannie van der Westhuizen. Wyk 18 sluit in ‘n deel van Denneoord, Twee Rivieren, Bo-dorp, George-Oos, Denverpark en Loeriepark.
Nietemin het die DA-ondersteuning in die wyk met meer as 10% sedert die plaaslike verkiesing in 2016 gesak, toe hulle met 93,05% gewen het. Die DA het in totaal
996 stemme gewerf, terwyl hulle in 2016 ‘n totaal van 2 371 stemme ontvang het. Die VF Plus het intussen ‘n groei van 90% getoon, vanaf 3,53% (2016) tot 14,16% (2018).
Van die 3 015 kiesers wat vir wyk 18 geregistreer is, het ‘n totaal van 1 800 nie gaan stem nie. Dus het 40,49% van die wyk se inwoners tydens die tussenverkiesing gestem. “Dit is egter ‘n algemene tendens dat die stempersentasie die hoogste is met ‘n provinsiale en nasionale verkiesing, gevolg deur ‘n plaaslike verkiesing, terwyl tussenverkiesings gewoonlik die laagste stempersentasies toon,” het die DAstreekvoorsitter, Jaco Londt, gesê.
Londt het gesê hy is onder omstandighede tevrede met die uitslag. “Ons het ‘n uitstekende kandidaat en dit is nou die verantwoordelikheid van die kandidaat en die ander raadslede om te sorg dat die publiek se vertroue herwin word.”
VF Plus-raadslid Gert van Niekerk, wat homself as kandidaat vir die wyk beskikbaar gestel het, het gesê hy is vanuit ‘n realistiese oogpunt tevrede met die groei. “’n Groei van 90% moet enige politieke party tevrede stel. Ons sou natuurlik graag meer wou hê, maar ons is trots op die groei, alhoewel dit net ‘n tussenverkiesing was,” het hy gesê. “En ons weet daar is nog ‘n 60% daarbuite wat na enige kant hulle kruisie kan trek. Hierdie wegblystemme is meer uit misnoeë. Honderde mense het vir my gesê hulle stel nie meer belang nie, hulle is moeg vir al die drama, die bakleiery en die gesukkel in die munisipaliteit.”
Van Niekerk het gesê terwyl die DA besig is om nasionaal vinnig steun te verloor, is die Vryheidsfront Plus “vuur en vlam” vir die aankomende nasionale verkiesing volgende jaar.
Die uitkoms van die ander partye wat aan Verkiesingsbeamptes Margaret Vorster (links) en Sharon Kilian (regs) help ‘n kieser by die stemlokaal in die Denneoord NG Kerk om sy stembrief veilig te besorg. die tussenverkiesing deelgeneem het, lyk soos volg:
EFF 2 (3 in 2016); ACDP 41 (49 in 2016); ANC 4 (16 in 2016); FF Plus 172 (90 in 2016).
‘n Aantal kiesers het verlede Woensdag by die stemlokale met leë hande omgedraai huis toe, toe dit rugbaar word dat hulle nie by die betrokke lokale geregistreer is nie. Volgens een ongelukkige inwoner van wyk 18 woon sy reeds agt jaar by dieselfde adres, en het sy dit nie nodig geag om tydens die registrasienaweek haar adres te verifieer nie.
‘n Navraag in die verband is aan die OVK gestuur, hulle kommentaar word verwag. Die VF Plus se wykskandidaat, Gert van Niekerk (links) en sy vrou, Petro, by hulle stalletjie voor die Moth Hall.