Nuwe medeborg vir gewilde handelsliga-rolbalstryd
Die gewilde handelsliga-rolbalreeks van die Outeniqua-rolbalklub het ‘n nuwe medehoofborg gekry toe Hereford Group George besluit het om ook in hierdie sportsoort betrokke te raak.
Hereford Group borg die toernooi saam met Love for Vintage, wat reeds van die vorige reekse ook geborg het. Daar is ook verskeie ander borge wat by die toernooi betrokke is.
Die Herfsreeks, wat 24 spanne gelok het, strek van vanaand (3 Mei) af tot 7 Junie en wedstryde word elke Donderdagaand gespeel.
Ses spanne gaan in hierdie reeks vir die eerste keer op die rolbalbaan aantree. Die nuwelinge is Amec Plastic, Bondexcel, Ettean & Friends, GRM & WJC, Paintsmiths en The Bowlbarians.
Daar is ook heelwat ervare spanne wat weer in aksie sal wees. So sal die vorige reeks se kampioenspan, Supporters, asook Ricoh, teen wie hulle in die eindstryd te staan gekom het, weer in aksie wees. Daar is egter ook verskeie ander spanne wat hul staal in die vorige reekse getoon het en weer hul bes gaan probeer.
Die wedstryde begin om 18:00 op die bane van die Outeniqua-rolbalklub in Airwayweg, Heatherpark, en kan gratis deur belangstellendes bygewoon word.
Ligte etes word deur die klublede berei en ‘n kontantkroeg is ook beskikbaar. Spanne:
4 Musketeers (4-Sure Administrators), Amec Plastic, Angel’s (Eden Gemeente), Boardware, Bondexcel, Bowling Stones
(Love for Vintage), Disasters (Club Masters), Ettean & Friends (Finovo), GRM & WJC (Garden Route Mall), Hereford Group George, Hot Stuff, Jack’s Paint & Hardware, Just Property, KTV (Kirsten & Tulleken Vervoer), Kommaweer Stoffeerders, Mend a Bath, Miskruiers, Paintsmiths, Pik ‘n Wyn (Penguin Gas), Ricoh, Roux Prokureurs, Supporters, The Bowlbarians (Emtec), Vorster Motors. Wedstrydlys:
Amec Plastic t Pik ‘n Wyn; Angel’s t Boardware; Bondexcel t Hot Stuff; Bowling Stones t Vorster Motors; Disasters t Kommaweer Stoffeerders; Mend a Bath t Jack’s Paint & Harware; Hereford Group George t Miskruiers; Just Property t The Bowlbarians; GRM & WJC; Ettean & Friends; 4 Musketeers t Ricoh; Paintsmiths t Roux Prokureurs; Supporters t KTV.