‘n Vroeë Moedersdag vir fynproewers
Die lede van die Suid-Kaap Fynproewersgilde en hulle gaste is uit hulle nate bederf met ‘n uithalerdemonstrasie deur sjef Karen du Plessis van Kitchen Queen Food Studio. Almal was dit eens dat die dag by Reed Valley dit ‘n vroeë Moedersdagbederf was. Die tema was 'Gourmet-etes tuis vir Moedersdag'.
Met haar natuurlike sjarme en warm persoonlikheid het Du Plessis 'n heerlike verskeidenheid geregte gedemonstreer. Sy het begin met hoender-en-pancettaroulade met ‘n béarnaise-sous. Die gereg is aanskoulik voorgesit op ‘n bietjie botterskorsiemoes met oondgeroosterde uielobbe, patatskywe en krakerige hoendervelletjies - ‘n ware fees vir die oog en op die tong! Dit is opgevolg met 'n croque madame met mosterd-béchamel. ‘n Heerlike bederf vir ‘n ma en maklik genoeg om te maak vir ‘n kind. Daarna het sy tuisgemaakte pasta, gnocchetti met pesto-en-tamatiesous, gemaak, ‘n smelt-in-die-mond gereg. Die demonstrasie is afgesluit met ‘n dekadente wit- en donkersjokoladepannekoek-torte wat beslis ‘n tweede skeppie werd was.
Reed Valley se wyne was uitstekende pasmaats vir hierdie geregte. Brendt Meyer het hulle Chardonnay Pinot Noir gekies om saam met die roulade te bedien. Die Sauvignon Blanc het die croque madame en die gnocchetti baie goed gekomplementeer en die Vinho Espumante het die pannekoektorte mooi