Arende verhang bordjies teen Grens
André Stander
Die SWD Arende het Vrydagaand hul tweede oorwinning in die SuperSportuitdaagreeks behaal deur die Grens op Outeniquapark met 38-20 te klop.
Rustyd was hulle reeds met 17-3 voor.
Die Arende-kamp het vyf pragdrieë nadat hulle in hul laaste ontmoeting op Outeniquapark met 25-26 vasgeval het teen die manne van die Oos-Kaap.
Die skeidsregter, Quinten Immelman van die WP, het in die eerste helfte van die wedstryd vir Wiehan Hay (slot) van die Arende en Billy Dutton (flank en kaptein) van die besoekers, met geelkaarte van die veld gestuur.
Vir die Arende, wat ‘n groot deel van die eerste helfte van die wedstryd gesukkel het in die skrums, te veel strafskoppe afgestaan het en nie kon afrond nie, wag daar nog baie harde werk voor hul volgende wedstryde.
Hulle sal definitief hul spelpeil moet lig wanneer hulle die gedugte Boland Kavaliers Saterdag op Malmesbury pak.
Die Arende se vlugvoetige heelagter, Leighton Eksteen, is in die 35ste minuut oor vir sy span se eerste drie na ‘n puik breekslag deur hul buitesenter, Tyler Fisher.
Net voor rustyd het Janneman Stander (flank) langs die pale oorgeval na ‘n sterk lopie deur Marlo Weich (regtervleuel).
In die 45ste minuut is Teunis Niewoudt (loskopstut) oor vir sy span se derde drie.
Fisher, wat die besoekers hoofbrekens gegee het met sy puik verdediging en oog vir ‘n gaping, het in die 62ste en 77ste minuut twee skitterende individuele drieë gedruk. Die frisgeboude speler het definitief die potensiaal om nog diep spore in SWD-rugby te trap.
Rynard van As, hoofafrigter van die Arende, het aan die George Herald gesê hy is dankbaar vir die volpunte oorwinning. "My span se dissipline het in die eerste helfte gelol. Ek moes rustyd hard praat en ons het ons wedstrydplan verander.
"In die tweede helfte het ons beter gevaar in Die Arende-senter Marlou van Niekerk beur vorentoe met die bal met sy spanmaats Dewald Dekker (links) en sy kaptein, Fabian Booysen (regs), wat byderhand is om te help.
die vaste fasette en ons taktiese spel was ook goed. Wat vir my verblydend was, is dat ons plaasvervangersbank, soos teen die OP, weer ‘n groot verskil gemaak het na rustyd. Dit is vir my ook verblydend dat ons nie beserings opgedoen nie met ons kontrakgroep wat nie so groot is nie. Daar is nog harde werk wat voorlê, veral ons verdediging en skrumwerk was by tye power gewees.”
Die Arende se lenige agtsteman en kaptein, Fabian Booysen, was ongetwyfeld die beste speler op die veld. Sy voorgevoel en spoed na die afbreekpunte het die besoekers hoofbrekens gegee.
Hay, en die plaasvervangers Ruben
Schoeman
(slot) en
Wayne
Wilschut
(flank) het ook voorlangs gekook.
Die wenspan se skakelpaar,
Johan Steyn (skrumskakel) en
Divan Nel (losskakel), het goed gekombineer. Veral Nel se lang buitelynen taktiese skoppe het baie druk op die besoekers geplaas. Die skerpskutter het ook met 5 doelskoppe en ‘n strafdoel geslaag.
Kirsten Heyns (linkervleuel), wat ‘n paar sterk lopies ingekry het, het rotsvas verdedig.