Africa breek enkel teen Progress
André Stander
Die verdedigende kampioen in die SWD Premierliga-rugbykompetisie, Progress, het Saterdagmiddag sy buurman, Crusaders, in ‘n klipharde derby op die Rosemoorsportterrein met 26-18 geklop.
Rustyd was die wenspan met 14-8 voor. Die wedstryd het in ‘n feestelike atmosfeer voor 4,000 toeskouers plaasgevind.
Dit was Progress se sesde oorwinning in die kompetisie die seisoen.
Crusaders het ‘n groot terugslag gekry toe hul flank, Freginald Africa, in die 10de minuut die veld met ‘n gebreekte enkel moes verlaat het.
Die oud-Arend, wat kliphard is en ‘n groot aantrekkingskrag by wedstryde is, is vir ses weke uit en sal definitief gemis word.
Cameron Mentoor (heelagter), Justin Levendal (slot) en Hendrik Kriek (loskopstut) het die wenspan se drieë gedruk. Fizel Fredericks (linkervleuel) slaag met ‘n doelskop en 3 strafdoele.
Vir Crusaders het Dean Hopp (vaskopstut) en Curtley Scheepers (buitesenter) drieë gedruk. Henry Wolhuter (heelagter) slaag met een doelskop en 2 strafdoele.
Silver Stars het vir Groot-Brakrivier in sy agterplaas met 29-19 geskok. Die manne van Rosemoor het aanskoulike hardlooprugby gespeel en vier pragdrieë gedruk. Ashwin Scott, binnesenter, Dillon Kerspuy (skrumskakel), Heinch Leukes (agtsteman) en Jerovin Spandiel (slot) het vir die wenspan gaan druk. Neillin Scott (heelagter) slaag met drie doelskoppe en ‘n strafdoel.
Bridgton van Oudtshoorn het sy posisie verstewig op die punteleer toe hul onverwags die gedugte Evergreens op die Pacaltsdorp-sportterrein in ‘n naelbytstryd met 27-25 geklop het.
Brandwin Wanies (regtervleuel) en
Ganfried May (buitesenter) is albei oor vir twee drieë vir die wenspan. Anver Venter (heelagter) slaag met 2 doelskoppe en Keanin Esau (losskakel) klits ‘n strafdoel oor.
Vir Evergreens is David Claassen (slot), Llewellyn Treurnicht (flank) en Anvor Prins (loskopstut en kaptein) oor vir drieë. Leegan Moos (losskakel) klits 2 doelskoppe en 2 strafdoele oor.
Heidelberg het vir Maori’s op die Heidedalsportterrein met 8-3 geklop. Rustyd was die wenspan met 5-0 voor gewees. Die wenspan skuif na vyf oorwinnings op na die vierde posisie op die punteleer met 22 punte.
Jason Liebenberg
(losskakel) het vir Heidelberg gaan druk. Pieter van Rensburg Uys (heelagter) slaag met ‘n strafdoel. Vir Maori’s het Marshall Frans (buitesenter) met ‘n strafdoel Crusaders het ‘n groot terugslag gekry toe hul flank, Freginald Africa met ‘n gebreekte enkel die veld moes verlaat.
geslaag.
Barbarians van Mosselbaai skuif op na die tweede posisie na hul oortuigende oorwinning van 43-28 oor Blanco op sy tuisveld.
Curshwon Mono (linkervleuel, 2),
Justin Bhana (heelagter), Aden Jones (plaasvervanger-flank) en Jerome Fillies (plaasvervanger-vleuel) is oor vir drieë vir die wenspan. Bhana slaag ook met ‘n doelskop en Macdelin Saayman (losskakel) klits 2 doelskoppe, 2 strafdoele en 2 skepdoele oor.
Blanco se drieë is deur Logan Stoffels (heelagter), Hentzwell Pedro (regtervleuel) en Alton Olivier (linkervleuel) gedruk. Stoffels slaag ook met ‘n doelskop en twee strafdoele en Alain Jansen (plaasvervanger-heelagter) klits ‘n doelskop en ‘n strafdoel oor.
Roshwin Abrahams (heelagter), Ashwill Frans (losskaklel) en Henlin Botha (plaasvervanger-losskakel) is vir die tuisspan oor vir drieë. Abrahams slaag ook met 2 doelskoppe.
Progress vs Crusaders 5 Mei 2018