Vuur toerisme aan!
Toerisme bied nie net die goeie, genotvolle, pragtige, positiewe (ensovoorts) van die natuurlike en mensgemaakte omgewing aan nie. Die klem val ook op die aaklige, negatiewe, onverwagse, rampvolle, verskriklike en so meer.
Een bekende voorbeeld van laasgenoemde groep is Berg Vesuvius in Suid-Italië. Die vulkaan het in 79 n.C. reusagtig uitgebars. Pompeii, saam met ander stede, is diep onder lawa begrawe. ‘n Hele bevolking is uitgewis, waarvoor ‘n getal nooit bereken is nie - dit was ander tye.
‘n Duisend jaar was die kokende keël onaktief, om weer verwoesting te saai in 1631, 1794, 1906 en vier geringes in die twintigste eeu. Nogtans woon en werk drie miljoen mense steeds in die vrugbare omgewing. Hulle maak staat op akkurate seismiese kennis en voorspelling. Waarskuwings is reeds gerig dat die vulkaan uit sy slaap ontwaak - inwoners en besoekers kan alles verloor.
Te midde daarvan is Pompeii ‘n gewilde toeriste bestemming - amper 3 miljoen per jaar.
Dis deel van ‘n nasionale park, ook ‘n Wêreld erfenis terrein van UNESCO vanaf 1997. Die bergpiek kan bereik word deur ‘n netwerk paadjies, tot so naby as 200 meter vanaf die vulkaan se rant.
Die Vesuvius-omgewing is net een voorbeeld van hoe toeriste die reste van honderde natuur katastrofes wêreldwyd graag gaan beloer en beleef.
Onder menslike nalatenskap dien Hiroshima in Japan as voorbeeld.
Aan die einde van die Tweede
Wêreldoorlog (1945), het die Amerikaners een van twee atoombomme hier vanuit bomwerpers afgesmyt.
Meer as 70 000 het onmiddellik gesterf. Teen die einde van die jaar was die syfer amper 166 000 as gevolg van beserings en bestraling.
Etlike wangeskape babas is gebore.
70% van die stad se geboue is verwoes. Kontrasterend het die inwoners hul stad met sentrums vir vrede uitgebou. Die vernietiging s area h eteen van Japanse gewildste besoekpunte geword - 363 000 toeriste per jaar, waarvan Amerikaners nogal die oorgrote meerderheid is.
Toeriste gaan kyk graag na die historiese merkers van die mensdom se donker dade.
Juis op Robbeneiland is die tronksel van Nelson Mandela ‘n fokuspunt vir toeriste. Wêreldwyd is daar vele toeriste-attraksies gebaseer op die mens se minder mooie.
Die brande van Junie 2017 in die Tuinroete was hierdie streek se grootste ramp.
Die natuur is verwoes en mense het baie om te vertel.
Met toepassing van innoverende toerismekunde kan gereelde, uitmuntende aanbiedings in plek kom om georganiseerd dié rampgebeure aan die mensdom bekend te stel.
Dit kan gedoen word tot eie voordeel en die van gemeenskappe, ook werkskeppend en tot plaaslike inkomste. ‘n Groep plaaslike entrepreneurs loop juis voor met die registrasie van die intellektuele eiendom vir ‘Brand-toerisme in Eden’. Daar is plek daarvoor, langs inisiatiewe soos die ‘Spirit of Knysna’.
Toerisme betree voortdurend nuwe fases. Minister Derek Hanekom het in Mei by die toerisme-indaba in Durban beklemtoon dat, “Tourism can expand the emotion and relevance of each location”, also “through audio, text and image galleries”.
En: “We must continuously enhance and expand our attractions”. Met dekking van die Eden-brande op inklusiewe wyse gaan ons nog meer deel word van die wêreld se vinnig groeiendste ekonomie-sektor.
Prof. Francois Hanekom se rubriek verskyn elke tweede week.