Eerste George Mountain Ultra Trail betowerend
Die eerste George Mountain Ultra
Trail (MUT) is pas in die Outeniquanatuurreservaat deur EcoBound Mountain Events aangebied. Die MUT-uitdaagwedren oor 60 km en 25 km het atlete van oral in Suid-Afrika gelok. Heelwat plaaslike atlete was ook in aksie, onder andere twee bekende oudinwoners, AJ Calitz en Chantel Nienaber.
Beide die 25 km- en 9 km-roetes het roetes in die berg ingesluit. Die 25 km was veral uitdagend en is agterna deur die atlete beskryf as een van die moeilikste in die land. En die 9 km ‘MUT Lite’ het eweneens 'n sterk veld atlete getrek wat ook nie uitgepraat kon raak oor die mooi roete nie.
Die wenner van veeleisende die 60 km, Roelof Mostert, reken die George MUT gaan in 'n wêreldklasbyeenkoms ontwikkel. Sy wentyd was 6:21:10.
Zane Schmahl van EcoBound, wat ook die direkteur van die byeenkoms was, sê die terugvoer oor die byeenkoms was uitstekend. "Ons is in ons noppies en trots dat ons die roetes van George die blootstelling kon gee wat dit verdien."
Jacques Mouton, die roetedirekteur, het sy sentimente beklemtoon en gesê met dié byeenkoms glo hy die sport sal groei en dat dit beslis meer atlete landwyd sal lok om in George te kom deelneem."
Die resultate is op die webblad www. georgetrailrun.co.za beskikbaar. Tony Cook (links), die amptelike seremoniemeester by vanjaar se eerste George Mountain Ultra Trail (MUT), saam met Clare Labuscahgne van die mediaspan en Jacques Mouton, die meesterbrein agter die roetes se beplanning en uitleg. Zane Schmahl (links), van Ecobound Mountain Events en direkteur van die George Mountain Ultra Trail, saam met Roelof Mostert, wenner van die 60 km-wedloop.