Gholfdroom word bewaarheid in Rosemoor
Die Golf Legacy Foundation-komiteelede James Squire, Corné Robertson, past. Joseph Booyen en Niel Plaatjies saam met klein Caylev Viljoen (3) by Saterdag se feestelikhede.
Pauline Lourens
Die groot droom was om gholf na die gemeenskappe van Convillle en Rosemoor te bring en dit is Saterdag 30 Junie bewaarheid tydens 'n bekendstelling van Golf Legacy Foundation (GLF) se oefenbaan op die grense van die woonbuurte. Die stigter, pastoor Joseph Booysen, gee self onderrig aan kinders van alle ouderdomsgroepe by weeklikse klinieke. Om orde te handhaaf tussen 60 gretige kinders kos so af en toe 'n bulderende bevel (soos ook op Saterdag die geval was).
Booysen en sy komitee van 10 lede is die dryfveer agter die inisiatief wat vyf jaar gelede 'n aanvang geneem het nadat 'n oop veld tussen Rosemoor en Conville gelyk gemaak is vir die sport. Die George-munisipaliteit is bedank vir hul ondersteuning deurdat hulle die grond beskikbaar gestel het en ook by tye met die gelykmaak en terreinontwikkeling betrokke geraak het. Daar is planne om 'n ‘n Hoogtepunt van die bekendstelling van die Golf Legacy Foundation se gholfoefenbaan in Rosemoor was die aflewering van 100 Debonairs Pizzas. Die eienaar Theo van Schalwyk (links) was daar om die pizza te help uitdeel. volwaardige 9-putjie gholfbaan tot stand te bring en hiervoor is 'n paar setperke en putjies reeds in plek. Sowat vyf jaar gelede was daar 'n amptelike opening en nou beoog die komitee om gesellige kwartaallikse byeenkomste te hou. Twee hoogtepunte Saterdag was die aflewering van 100 pizzas met die komplimente van Debonairs Pizza in George. Die potjiekosmiddag is moontlik gemaak met skenkings van die Suid-Kaapse gholfunie, Golden Harvest, SA Golf Development (SAGD) en Snoekies. Die kinders van vier skole insluitende Hibernia, Rosemoor, Conville en Heidedal Primêr vind baat by die stigting se fasiliteite. "Ons verwelkom alle ouderdomsgroepe en omdat ons al so lank aan die gang is, het ons reeds een professionele speler, Frank Manchest, wat destyds 'n leerling by Hibernia Primêr was. Manchest is nou woonagtig in Johannesburg en neem deel aan die Sunshine-toernooi."
Booysen het daarvoor gesorg dat 'n groepie van sy gholfspelers die geleentheid kry om in die maandelikse South Cape Junior Order of Merit by verskillende gholfbane te speel. Een belowende speler, wat deel is van die opkomende span, is Betram Plaatjies (15) wat Saterdag teenwoordig was en weer op sy beurt sy kennis met die jonger spelers gedeel het.
Booysen kan bereik word by 072 462 5714 indien instansies die gemeenskapsinisiatief wil borg of as daar belowende gholfspelers is wat wil deel wees van die GLF se uitreike.