Gwavu verskaf vonk vir PW Botha-kollege

PW Botha se o.19A-netbalspan (foto) het met 21-14 teen Hoërskool Knysna vasgeval.

André Stander

PW Botha-kollege se o.19Arugbyspan het Donderdagmiddag op hul tuisveld vyf pragdrieë gedruk in hul oorwinning van 31-18 oor hul eweknie van Hoërskool Knysna.

Knysna het in die eerste tien minute van die wedstryd met ‘n groot aanslag afgeskop. Veral hul swaarder pak voorspelers het baie druk op die tuisspan geplaas. Net goeie verdediging het hul van die doellyn af weggehou.

Vir die wenspan het hul slotte, Siyavuya Matyila en Henry van Wyk, asook Mvuyisi Gwavu (flank) die vonk verskaf. Gwavu, wat uithalerspel gelewer het, is aangewys as speler van die wedstryd.

Hencill September (binnesenter en kaptein) en Abrian Willems (losskakel) was die tuisspan se grootste planmakers agterlangs.

Gwavu (flank, 2), Hencill September (buitesenter en kaptein, 2) en Jordan Ruiters (flank) is vir die wenspan oor vir drieë. Ashaan Ahrends (skrumskakel) slaag met drie doelskoppe.

Ander rugbyuitslae:

PW Botha Kollege o.16A (21): Drieë - Bronwyn Carelse (heelagter), Jaydon Khota (linkervleuel), Le-Shaan Lewis (agtsteman). Brent Ruiters (losskakel) slaag met drie doelskoppe.

Knysna o.16A (14): Drieë - Tyrese Benson (binnesenter), Ezhein Booysen (buitesenter). Booysen klits ook twee doelskoppe oor.

Netbal

Knysna se o.19A- netbalspan het PW Botha met 21-14 geklop. Marina Ferreira (16), Rolene Barnard (3) en Clarice le Roux (1) het die wenspan se doele aangeteken.

Vir PW Botha het Kheesha Fortuin (13) en Khobeka Nzima (1) doel aangeteken.

Ander uitslae:

Knysna o.14A (10): Doele aangeteken deur Jeran Pietersen (6) en Angela Nazoli (4).

PW Botha o.15A (4): Doele aangeteken deur Ranceigh Jacobs (2) en Claire Claasen (2).

Knysna o.15A (8): Doele aangeteken deur Imivuyo Malahla (4) en Kaitlyn Filande (4).

PW Botha o.16A (4): Doele aangeteken deur Mohicha Taylor (2) en Johdene Klaasen (2). Rugbyfoto’s: Anton Gericke

Hencill September, binnesenter en kaptein van PW Botha, was saam met Abrian Willems, losskakel, die groot planmakers agterlangs. Hy het twee keer gaan druk. PW Botha se losskakel, Abrian Willems, nael sterk met die bal.

Netbalfoto’s: Deidre Cloete

Siyavuya Matyila, loskopstut van PW Botha, het ‘n barshou gespeel en die verdediging met sy kraglopies getoets.

Mvuyisi Gwavu, flank van PW Botha se o.19A-rugbyspan,was sy span se grootste uitblinker teen Hoërskool Knysna en hy is welverdiend aangewys as speler van die wedstryd. PW Botha het met 31-18 gewen.