Dit reën drieë by Progress en Bridgton
Jonathan Simons (met bal), puik slot van Progress, probeer hom loswikkel uit die greep van Franklin James, stut van Silver Stars.
André Stander
Progress het Saterdagmiddag agt drieë gedruk in hul oortuigende oorwinning van 53-15 oor Silver Stars op die Rosemoorsportterrein.
Progress se beste speler was Fizell Fredericks (linkervleuel), wat altesaam 18 punte aangeteken het met 'n drie, vyf doelskoppe en 'n strafdoel.
Clinton Wagman (regtervleuel), die senterpaar, Carlton-Dee Coeries en Ethan Williams, Renaldo Fortuin (losskakel), Mzo Dyantyi (skrumskakel), Chumani Kema (flank) en André Barnardo (slot) het uitgeblink vir die wenspan.
Luzane Williams (heelagter), Wagman, Fortuin, Dyantyi, Luvuyo Nevo (flank), Jonathan Simons (slot) en Alvin George (vaskopstut) is ook oor vir drieë vir Progress. Grant Scott (heelagter), Neillen Scott (regtervleuel), senterpaar, Clint Damons en Ashwin Scott, Dillon Kerspuy (skrumskakel) asook die flanke, Godwin Mangenje en Gavinito Delport, was Silver Stars se beste spelers.
Vir Silver Stars is Jerovin Spandiel (slot) en Dillon Kerspuy (skrumskakel) oor vir drieë. Neillin Scott (regtervleuel) slaag met ‘n doelskop en ‘n strafdoel.
Bridgton het Vrydagaand sewe drieë gedruk in hul oortuigende oorwinning van 47-21 oor Groot-Brakrivier op die Bridgton-sportterrein.
Die wenspan skuif op na die vierde posisie op die punteleer met 50 punte. Hulle moet Saterdag vir Barbarians op die D’Almeidasportterrein en op Saterdag 11 Augustus op hul tuisveld vir Silver Stars klop om die uitspeelrondes te haal.
Charlston Ewerts (linkervleuel, 2), Rhupino Plaatjies (buitesenter, 2), Raymondo Botha (haker), Keanin
Esau (losskakel), Anver Venter (regtervleuel) het vir die wenspan gaan druk. Esau slaag ook met ses doelskoppe. Henn-Lin Botha (losskakel), Jean
Pierre Kock (haker) en Ronven Ageni (plaasvervanger) het vir die besoekers gaan druk. Botha klits drie doelskoppe oor. Grant Scott (links), heelagter, en Jerovin Spandiel, slot, gaan albei vir die bal. Gurshwin Williams, losskakel van Progress, probeer vir Gavinito Delport (links), agtsteman van Silver Stars, en Ashwin Scott, senter, afskud.