Melvin Naik se gay-uitlating en ‘meesterplan’ bekyk

Die DA se federale regskommissie (FLC) het vandeesweek weer in George kom kuier. Burgemeester Melvin Naik het Maandag en Dinsdag voor die kommissie verskyn.

Naik se sogenaamde homofobiese uitspraak op die vooraand van die Boston Gay Chorus se besoek aan George is, volgens inligting, een van die klagtes wat ondersoek word. Nog 'n saak wat ondersoek word is Naik se beweerde poging om die raad omver te werp.

Naik het na bewering 'n groep raadslede genader met 'n "meesterplan" tydens 'n vergadering op 20 Mei by 'n DA-raadslid se huis in Pacaltsdorp. Verklarings in die verband is deur twee wyksraadslede en die voorsitter van die DA-kiesafdeling in George aan hul politieke hoofde gestuur. Volgens Kleynhans was daar altesaam ag DA-lede, waaronder vyf wyksraadslede, wat die vergadering bygewoon het. "Hulle het geluister na sy nonsens, maar hulle het nie sy plan deurgevoer nie," het hy destyds gesê. Geen kommentaar oor die verhoor is teen druktyd van die DA se federale uitvoerende komitee (Fedex) of Naik ontvang nie.

* Mayor Melvin Naik appeared before the DA's Federal Legal Commission (FLC) on Monday and Tuesday. Naik's so-called homophobic statement on the eve of the Boston Gay Chorus visit to George is, according to information, one of the issues being investigated. Another matter is Naik's alleged attempt to overthrow the George Council. Naik allegedly approached a group of councillors with a "master plan" during a meeting on 20 May at a DA councillor's house in Pacaltsdorp.