Kansa gee om met dienste en bystand
Michelle Pienaar
Die laaste Wintermaand, Augustus, is die Kankervereniging van Suid-Afrika (Kansa) se maand van omgee, en staan bekend as Cansa Care-maand. Dié organisasie bied ’n verskeidenheid van dienste aan die publiek, waaronder siftingstoetse en gesondheidsbevordering. Pamflette en welstandsdae by maatskappye help om mense bewus te maak van die verskillende soorte kankers.
Die hooffokus is egter steeds pasiëntediens wat ’n groot gedeelte van Kansa se werk behels. Die organisasie het vrywilligers in verskillende areas wat help met bewusmaking en dienslewering. "Ons kan nie optimaal funksioneer sonder die toewyding van ons vrywilligers nie, want hulle is die hart en siel van Kansa," het Agnes Maree, ’n maatskaplike werker, gesê. "Individue soos Almarie Wijgergangs, die hoof van Rooibootjie-crèche, dra werklik by tot ons sukses. Hierdie vrou het gehelp om ’n dag te organiseer waartydens borsondersoeke in Syferfontein gedoen is.
Maree moedig mense aan om Pathcare of Ampath te besoek vir PSA-toetse (prostaat spesifieke antigeen by mans) en kolorektale toetse vir mans en vroue. Vir papsmere en Suster Tersia Fourie (links) en Sina Damons by die mobiele kliniek wat vir die borsondersoeke by Syferfontein ingespan is. borsondersoeke kan afsprake by die Kansakantoor gemaak word. Vir meer inligting kontak Agnes Maree of suster Tersia Fourie, ’n verpleegkundige, tydens kantoorure (Maandae tot Vrydae) by 044 874 4824.