Nooit geweet, nooit verstaan, die liefde van ‘n ma
'n Gedig deur Sofia
Nooit geweet, nooit verstaan
Hoekom 'n ma so oorbeskermd is oor haar kinders...
Sy't hulle vir nege maande onder haar hart gedra
Nooit geweet, nooit verstaan elke ma het verskillende uitdagings, talente en verantwoordelikheid en natuurlik verskillende kinders.
Maar die belangrikste van alles hulle het een ding in gemeen, hulle het hulle kinders oneindig lief.
Nooit geweet, nooit verstaan
Hoekom ma's so begaan is, selfs oor die stoutste een (kind)
Al is hy/sy opstandig, praat tee, ongehoorsaam,
doen alles wat ma se hart kan laat staan
Sy't lewe gevoel in haar, sy't hom gevoel toe sy lewe skenk
Sy't hom/haar gedra...
Nooit geweet, nooit verstaan
Pa kan daar wees, maar vir ma word gevra Pa belet die huis, verbied kos, hou sakgeld terug
Maar ma maak 'n plan
Dit weet ons mos
Nooit geweet, nooit verstaan
Nou verstaan ek vandag die hartklop van 'n ma
Ma en kind se hart het saam geklop. Ek was en is bevoorreg om ook kinders onder my hart te dra
'n Genade van God aan ons ma's geskenk Dis die voorreg van 'n ma...
Nooit geweet, nooit verstaan
Die liefde van 'n ma.