Eden 7’s en 10’s rugbyfees skop af in Rosemoor
Die ECRF (Eden Community Rugby Festival) is 'n jaarlikse toernooi oor twee naweke wat vir die eerste keer op 6 Oktober op Rosemoor-stadion afskop.
Die toernooi is die breinkind van Eddie Myners, die huidige Springbok vroueafrigter.
Die hooftema van die rugbyfees is
#No Gangs, No Drugs. Die doel is om die euwel van bendes en dwelms in gemeenskappe te beveg deur 'n goeie feestoernooi te vestig waar vanaf o.13’s tot senior vlak op 'n jaarlikse basis as 'n verenigde gemeenskap kan byeenkom. Die spanne sal vir die Branco du Preez-beker speel en elke span sal sy bes doen om eerste houer van die beker te wees.
Die toernooi gaan op streekbasis plaasvind wat dus verskillende gemeenskappe gaan verenig omrede spelers in een span sal speel.
George is opgedeel in vier streke:
Blanco en George;
Rosemoor, LeVallia, Urbansville; Parkdene, Conville en Borcherds; Thembalethu en Pacaltsdorp. Dan is daar spanne van Oudtshoorn, Mosselbaai, Heidelberg, Riversdal, Knysna en Plettenbergbaai-streek.
Die streke sal elk die volgende spanne inskryf:
o.13, o.15 en o.18-sewespanne asook 'n senior mans 7’s-span en 10’s-span.
Myners sê na afloop van die eindronde op 15 Desember sal daar Eden-rugbyspanne gekies word wat buite SWD gaan deelneem byvoorbeeld Kaapstad 10’s en Wits 7’s-toernooi in Johannesburg.
Daar sal ook heerlike vermaak vir jonk en oud wees.
Die ambassadeurs van die rugbyfees is die plaaslike Springbok 7’s-held, Branco du Preez en die oud-Springbok, Bevin Fortuin.
Hy sal ook as keurder optree saam met sy Springbokspanmaat Cecil Africa.
Die rugbyfees beloof om net groter en groter te raak en daar is reeds ’n paar besighede wat ingekoop het by die inisiatief. Hierdie is slegs die begin van veel groter projekte wat beplan word om die morele en etiese waardes in ons gemeenskappe te herstel.
Koördineerders in elke streek:
Darryl Koeries (Parkdene-streek) 083 396 1777
Earl Manie (Mosselbaai) 084 532 1180 Evan Davids (Blanco) 072 130 1207 Grasto Seconds (Rosemoor) 074 515 8649
Marius Heyens (Pacaltsdorp) 073 159 0020
Maurice da Silva (Pacaltsdorp) 072 938 0848.
Besighede of persone wat betrokke wil raak kan Myners skakel by 079 415 2044.