Eden-sportraad stoot bors uit na sporttoekennings
Die Eden-sportraad loop breë bors rond na die 2018 Wes-Kaap se sporttoekennings wat in Pinelands deur die Wes-Kaapse departement van kultuursake en sport aangebied is en waartydens sewe plaaslike sportlui met Wes-Kaapse toekennings bekroon is.
Behalwe die toekennings uit 23 kategorie is finaliste uit al ses die Eden-sportdistrikte opgelewer.
Die Protea-speler van George, Elma Davis (Eden-rolbal), is aangewys as die Wes-Kaap-sportvrou van die jaar. En om net te wys rolbal is 'n gesinsport, word haar eggenoot, Trevor Davis, (Edenrolbal) as die Wes-Kaap-administrateur bekroon.
Die ander wenners was HLS Oakdale se 560 kg-toutrekspan (Wes-Kaap skolespan), Jacquine Strydom van Edenskopboks (Wes-Kaap skolesportvrou). Antonio Farmer van ASWD (Wes-Kaap skolesportman), Claudio Miller van Edenlewensredding (Wes-Kaap-afrigter) en Deidre Cloete (Wes-Kaap-sportfotograaf).
Die hele Eden kan opreg trots wees op hierdie uitblinkers. Die ander finaliste wat genomineer was, is ASWD (federasie), Doriano Moretti van Eden-skerm (nuweling), Janine Kotze van Edenpluimbal (tegniese uitnemendheid), Christo Vermaak van die Oudtshoorn Courant (sportjoernalis), Oudtshoorn Christelike Jeugforum (rekreasie), Kalma Hayes van Eden Perdesport (gemeenskapsbouer), SK mid-amateur gholfspan (span), Thembalethujukskei (inheemse sportspan), Alvine Volkwyn van Carpe Diem (sportvrou met gestremdheid), Chris Patton van Eden-rolbal (sportman met gestremdheid), Meike Strydom van ASWD (junior sportvrou), Jean du Plessis van Krieket SWD (junior sportman), Jovan Rebula van SK Gholf (sportman), Joy Goulooze van Edenlewensredding (vrywilliger) en Laerskool Franken van Herold se judospan (ontwikkelings skoolspan).
Behalwe die toekennings uit 23 kategorie is finaliste uit al ses die Eden-sportdistrikte opgelewer.