Lyk langs see-pad gekry
Die Pacaltsdorp-polisie het ‘n moorddossier geopen ná die liggaam van ‘n onbekende man in sy dertigs Dinsdagoggend in Groothoek, ‘n gewilde hengelplek op die Hansmoeskraalpad naby Pacaltsdorp, gevind is.
Die lyk is tydens ‘n roetine patrollie deur plaaslike polisielede, in die bosse langs die pad gevind. Die oorledene het kopbeserings gehad, wat moontlik deur ‘n stomp voorwerp veroorsaak is.
Volgens kapt. Malcolm Pojie, die Suid-Kaapse polisiewoordvoerder, is die man se identiteit nog nie bekend nie.
“’n Lykskouing sal eersdaags gedoen word om die moontlike oorsaak sy dood te bepaal,” sê hy.
Die man was gekleë in ‘n donkerblou broek, swart trui en ‘n paar Nike-tekkies.
Enigiemand met inligting rondom die voorval kan adjudant-offisier William van Schalkwyk by
044 8039101 skakel.