Rugbyspanne bring geskenke vir seniors

Alida de Beer

Die spanne wat in die Intermagte Rugbykampioenskappe in George deelgeneem het, het 'n broodnodige tuimeldroër aan die Rosemoor-ouetehuis geskenk. 'n Klompie spelers van Korrektiewe Dienste, SA Polisiediens en die SA Nasionale Weermag het die oorhandiging bygewoon en vir 'n paar oomblikke die inwoners se dag opgevrolik deur bietjie met hulle hand te skud en te gesels.

Koeldrank, snoeperye en volwasse doeke is ook geskenk. Die skenking kom uit die sak van die spelers en besturende lede van die intermagte-spanne.

Dit was die tweede keer dat hierdie kampioenskappe in die Suid-Kaap aangebied is. Al die wedstryde is in Parkdene gespeel.

Foto’s: Alida de Beer Twee rugbyspelers, Veronica Veldman van die Prins Albert korrektiewe dienste en Lungile Ntshangase (regs) van korrektiewe dienste in Durban gesels met twee inwoners van die ouetehuis, Dorina van de Gund en Christina Saaiers (agter).

Die amptelike oorhandiging. Van links is Michael Louw (Crusaders-rugbyklub), Kenneth Africa (Rosemoor-ouetehuisbestuur) en Oom Cornelius George (‘n inwoner) saam met verteenwoordigers van die SA Magte-spanne Bryn Wilson, majoor Ruben Arries, kolonel Freddie Booysen, brigadier Sampie Koopman en kolonel William Bangiso.