Buurtwag doen beroep op publiek
Die voorsitter van die Conville-buurtwag, Rudy Lewis, het 'n beroep op die inwoners gedoen om hulle gewig in te gooi by die buurtwag se werksaamhede.
"Die afgelope naweek het ons weer 'n suksesvolle patrollie gehou en wapens en ander gevaarlike voorwerpe gekonfiskeer. Ons kan steeds verbeter en ons omgewing veiliger maak as almal saamstaan."
Die buurtwag word bygestaan deur die sekuriteitsmaatskappye Fidelity, Chubb, ADT en LVDS asook konst. Daniël Esau van Conville-polisie. "Ons bedank hulle vir hulle voortgesette ondersteuning. Sonder hulle sou dit nie moontlik gewees het nie. Ons vra ook vir borgskappe van besighede wat dalk ou ongebruikte rekenaars en drukkers het. Ons benodig dit om ons administrasie by te hou en rekord te hou van hoe ons vaar," het Lewis gesê.
Lewis kan gekontak word by 061 077 6098.