Claude Malan gasspreker by GGSA Suid-Kaapse tak
Die bekende genealoog en kenner van museums, Claude Malan, gaan die spreker wees by die ledevergadering van die Suid-Kaapse tak van die Genealogiese Genootskap van Suid-Afrika (GGSA) op Donderdag 25 Oktober om 14:00 in die George-museum se Charles Sayersouditorium.
Malan gaan gesels oor hoe hy by genealogie, of familiegeskiedenis betrokke geraak het, en oor die Malan en Melvillefamiliegeskiedenis. Hy is ook tans besig met die geskiedenis van George, en het sy eie museum in Pretoria besit, waar talle mense hulle familiegeskiedenis kom opspoor het.
Die jaarafsluitingsfunksie van die Suid-Kaapse tak van die GGSA sal op Woensdag 7 November om 12:30 by die Froth-koffiewinkel aan die bokant van Yorkstraat, George gehou word.