Polisie praat oor die gevare van dwelms

Die Georgegemeenskapspolisiëringsforum (GPF) in samewerking met sektorbevelvoerders van sektor 2, 3 en 4, het op Donderdag 22 November skole besoek om met die kinders oor hul veiligheid en die gevare van dwelmmisbruik, te gesels.

Laerskool Kretzenshoop in Blanco en Van Kervel Skool was deel van die besoek. Johnathan Martin van HeartbeatFM het sy lewensverhaal van dwelmverslawing met die sowat

300 kinders gedeel.

Van links is: Kapt. Natasja Janse van Vuuren (sektor 2), kapt. Rossmund Stripp (sektor 3) en kapt. Antoinette Stoop (sektor4) by Laerskool Kretzenshoop in Blanco. Agter staan Johnathan Martin.

Leerders by Van Kervel Skool spits hul ore.