365 dae van aktivisme teen geweld teen vroue en kinders
Pacaltsdorp-polisie het hul 16 dae van aktivisme teen geweld teen vroue en kinders Sondagoggend by die polisiestasie van stapel gestuur. Verrigtinge is deur pastoor Eldon Meyer geopen en 'n kersligseremonie is vir oorlede slagoffers van geweld gehou.
Verskeie sprekers het bemoedigende woorde aan vriende en familielede van die slagoffers van geweld gehad.
Die plaaslike polisie, gemeenskapspolisiëringsforum (GPF), gemeenskapslede en lede van 'n program vir die bemagtiging van slagoffers van misdaad (victim empowerment programme), het beloof om dié veldtog vir 365 dae van die jaar uit te voer en nie nét tydens die 16 dae van aktivisme nie.
*The Pacaltsdorp police station launched their 16 Days of Activism for no violence against Women and Children on Sunday 25 November. The programme was opened by pastor Eldon Meyer and a candle-lighting ceremony for deceased victims was held. Various speakers encouraged friends and family members of the victims and attendees pledged to carry out this campaign for
365 days of the year and not only during 16 Days of Activism.