Twee Mr. Tekkies in George

Mr. Tekkie het Vrydag 'n winkel in die Eden Meander Lifestyle Centre amptelik geopen.

Dit was een van 10 Mr. Tekkie-winkels wat op Black Friday oopgemaak het. Dit volg op drie winkels wat in Oktober geopen is en een wat op 21 November in Mamelodi sy deure geopen het. Nog 'n winkel het Vrydag in Hiberniastraat in die middedorp oopgemaak.

Daar is reeds 14 Mr. Tekkie-winkels. Op Vrydag 30 November open nog 'n winkel in Kwaggafontein (Mpumalanga) en op Vrydag 7 Desember nog een in Plettenbergbaai.

Die ruim perseel van Mr. Tekkie in Eden Meander Lifestyle Centre tydens openingsaand.