Emmaus Kersmark hierdie Saterdag
Emmaüs beskermde werksentrum vir volwasse gestremdes is tans ‘n miernes van bedrywighede soos alles in gereedheid gebring word vir die jaarlikse Kersmark wat Saterdag 1 Desember vanaf 08:00 plaasvind. Die Kersmark vind by Emmaüs in Memoriumstraat plaas en beloof om weer, soos in die verlede, ‘n ietsie van alles vir almal te bied.
Die vleistafel gaan kreun onder die vleis, daar kom steeds daagliks items vir die witolifanttafel in asook tweede handse boeke, en natuurlik is daar die gewone dinge soos basaarpoeding, kerrie-afval, koekies en beskuit, kaaskoek in die teetuin, asook pragtige handwerk en houtwerkprodukte.
Kom ondersteun asseblief Emmaüs se groot fondsinsamelingspoging.