Springbok speel skaak in Turkye
Nicola Putter, Eden-skaak se Springbok, het vanaf 20 tot 30 Oktober as deel van die Suid-Afrikaanse skaakspan in Griekeland aan die World Youth Chess Championship gaan deelneem. Sy was deel van die o.14-dogterspan en het haar uitstekend van haar taak gekwyt. Na 11 uitmergelende rondes het sy 72ste uit 137 spelers geëindig - ‘n uitsonderlike prestasie, en ook haar persoonlike beste. In 10 van die 11 rondes het sy teen spelers gespeel wat hoër as sy gereken is. Sy neem ook tans as lid van die SA span aan die World Youth u. 16 Chess Olympiad in Turkye deel. Die toernooi is vanaf 25 November tot 2 Desember.