Knysna-hengelaars seëvier in somerliga
Knysna-hengelklub het by die Edenhengelvereniging se vierde somerligakompetisie op Plettenbergbaai uitgeblink en met 102.57 punte die eerste plek ingeneem.
Die tophengelaar van die dag was Renier Nortje (Knysna-hengelklub) met 67 punte en die topjunior was Corner Noble (onder 16), ook van Knysna-hengelklub met 12.38 punte.
Leon van der Mescht van Georgehengelklub, met 11.40 punte, was die beste o.21-hengelaar en die topmeester was Jacobus de Jager van Atlantic-hengelklub in George met 15.99 punte.
Henrico Lesch van Outeniqua-hengelklub in George (1.62 punte) was die beste grootmeester.
Corner Noble (Knysna) se steenbras van 6,19 kg was die grootste eetbare vis en die swaarste oneetbare vis was 'n swartpylstert van 55,36 kg wat deur Regard Lesch (Outeniqua) ingeweeg is.
Altesame 429,72 kg vis is ingekatrol deur die 136 hengelaars wat deelgeneem het. Daar is 41 oneetbare visse gevang en slegs twee eetbare visse.
Al die vis is lewendig teruggeplaas om bewaring te bevorder.
Die posisies van die klubs ná afloop van die vierde ligakompetisie is as volg:
A-liga
1. Stilbaai (394.76). 2. George (361.35).
3. Atlantic (360.57). 4. Triton (356.77). 5. Knysna (350.98). 6. Outeniqua (335.11). 7. Mosselbaai (145.36).
B-liga
1. Stilbaai (299.85). 2. Triton (242.26). 3. George (206.23)
4. Outeniqua (160.53). 4. Atlantic (152.12). 5. Knysna (110.05). 6. Mosselbaai (103.56).
C-liga
1. George (96.55). 2. Outeniqua (48.79). 3. Knysna (34.75). 4. Atlantic (34.74).
5. Stilbaai (27.85). 6. Triton (7.65).
Die voorste drie hengelaars is:
1. Renier Nortje (164.20). 2. Henry Terblanche (146.99). 3. Renier van Rooyen (123.54 ).