Outeniqua-rolbal beste in streek

In 'n baie kompeterende toernooi het die topspelers van Eden-rolbal sake by die George-rolbalklub uitgespook in die jaarlikse Eden-meesterskampioenskap.

Die voorste spelers van oor die hele streek het vir die toernooi ingeskryf wat gesorg het dat rolbal van die hoogste standaard gespeel is.

Outeniqua-rolbalklub het die beste onder die klubs gevaar met twee goud, 'n silweren 'n bronsmedalje.

Billy Radloff het mans goud gebuit met Judy Swart wat goud in die dames seniorkompetisie gewen het. Mime Nortje het silwer in die vrouetoernooi gebuit met Susan Meyer wat met die bronsmedalje weggestap het.

Mans: 1 Billy Radloff, 2 Piet Robbertse, 3 Dirk Breedt.

Dames: 1 Alrene Bosse, 2 Mime Nortje, 3 Susan Meyer.

Senior mans: 1 Kobus Kriel, 2 Johan Snyman, 3 Hannes Bruwer.

Senior dames: 1 Judy Swart, 2 Wendy Murray, 3 Christel Barlow.

Die spanlede van die Outeniqua-span wat die naaswenners was, is van links Alhan van der Merwe, Sandra Axsel, Faan van der Merwe en Eliana Hattingh.